Juohke vahkku bihtáin leat ollu digaštallanjearaldagat ja klássalatnjadoaimmat. Ii daid dárbbaš visot bargat! Mii addit dutnje fuomášumiid, muhto galggat beare válljet dan mii heive du klássii.

Áigemearit: Čakčamánnu 

Modula Čilgehus:

"Gos Mun Orun?" modul lea oassi ollislaš prográmmas man namma lea called Gii Lean Mun?

Oahppit álggahit gávcci vahkkosaš mátkki iežaset ruovttubáikki váibmosii go muitalit guhtet guimmiidasaset geat sii leat. Sii govvidit iežaset gávpogiid ja giliid ja muitalit miellagiddevaš ᚚiid ruovttubáikkiideaset birra. Sii galget jurddahallat makkár sin báiki lea oaidnit ja makkárat báikki olbmot leat. Sii galget buohtastahttit iežaset ruovttubáikki online-ustibiiddiset ruovttubáikkiiguin. Oahppit govvidit makkár stohkosiid sii stohket ja makkár barggut rávisolbmuin leat sin ruovttubáikkis.

3. ja 4. vahkkuin oahppit vulget mátkkoštit online daidda báikkiide gos eará oasseváldit orrot ja geahččat daid báikkiid ealli áđaid. Makkár olbmot orrot min guovlluin? Makkár barggut sis leat ja maid sii barget astoáiggis? Makkár eallit ja šattut gávdnojit doppe gos mii orrut? Movt dat cevzet birrasis?

5. ja 6. vahkkuin oahppit barget iežaset oahpuin; skuvlaoahppu, ruovttuoahppu dahje báikkálaš oahppu. Oahppit galget govvidit dábálaš oahppanbeaivvi ja movt sin mielas leat skuvla ja oahppu, ja muitalit mainna sii iežaset mielas orrot oahppame. Sii movttiidahttojuvvojit čohkket dieđuid guhtet guimmiineaset ja buohtastahttit oahppandilálašvuođaid miehtá máilmmi. Evttohuvvo ja ávžžuhuvvo ovdanbuktit dáid dieđuid skoviin vai oahppit sáhttet analyseret dieđuid ja oažžut ođđa ipmárdusaid.

Modula maŋemus guovtti vahkkus galget oahppit geahčadit mii sin birra lea ja atnigoahtit iežaset olmmožin globála gilisteaset. Sii galget ávvudit min girjáivuođa go áddejit ja dohkkehit min erenoamᚠkultuvrralaš riggodaga. Loahpahandoaibman evttohuvvo doallat Riikkaidgaskasaš Mállásiid oasseváldi skuvllain.

Juohke guovtti vahkku bihtáin leat ollu digaštallanjearaldagat ja klássalatnjadoaimmat. Ii daid dárbbaš visot bargat! Mii addit dutnje fuomášumiid, muhto galggat beare válljet dan mii heive du klássii.

Oahpaheaddjit ávžžuhuvvojit atnit iežaset fuomášumi ja jurdagiid dán modulis. Čilgehus ii leat go ráva, galgabehtet áinnas váldit mielde eará ᚚiid mat gusket fáddái.

Modula Ulbmilat:

Oasseváldiid ulbmilat leat:

1. Atnigoahtit iežaset oassin ruovttubáikkisteaset ja maiddái oassin stuorát birrasis.
2. Ovttasbargat ja oahppat eará studeanttaiguin/studeanttain online.
3. Čohkket ja árvvoštallat dieđuid elektrovnnalaš ja čállojuvvon gálduin
4. Ovdánahttit hutkáivuođa ja kritihkalaš jurddašeami
5. Ovdánahttit guorahallandáiddu ja diehtinhálu
6. Oahppat min kultuvrralaš girjáivuođa birra ja illudit dainna ja oahppat oktasaš ᚚiid birra
   
   

Mihttomearit: - Connecting to your curriculum

Oahppit ohppet:

1. Lohkat e-boastta dieđuid ja vástidit earáide
2. Bargat joavkkuin iežaset klássalanjas ja maiddái joavkkuin online ohppiiguin
3. Atnit čállinproseassa juohkit dieđuid, ovdanbuktit persovnnalaš jurdagiid ja humahit nuppiid.
4. Duohta áiggis gulahallat earáiguin go atnet IRC dahje Kidspace.
5. Ohcat dieđuid World Wide Web:
6. Skoviiguin ja gráfaiguin analyseret ja dulkot dieđuid
7. Juohkit dieđuid kategoriijaid mielde
8. Buohtastahttit iešguđetlágan gálduid dieđuid
9. Atnit dieđuid čoavdit váttisvuođaid ođđa oktavuođain
10. Árvvoštallat man luohttehahttit WWW gáldut leat
11. Ovdanbuktit jurdagiid dáidaga, dráma dahje musihka ja maiddái teavstta bokte
12. Ákkastallat ja bealuštit iežaset oaiviliid
13. Čohkket dieđuid iežaset kultuvrralaš árbbi birra ja ovdanbuktit dan earáide