Hallo!

Jus áiggut searvat Gii-lean-mun?, prográmmii, de daga ná:

1. Mearrit guđe gillii searvvat. Válljenvejolašvuođat leat eŋgelasgiella, dárogiella, dánskkagiella, sámegiella, duiskkagiella, fránskkagiella, islánddagiella, ruoŧagiella, spánskkagiella, portugálagiella. (Eambbo gielat soitet lasihuvvot maŋŋil)..
   • Go leat oahpaheaddji, de soaittát háliidit searvat máŋgga iešguđet giela «oahpaheaddje-lanjaide» (oasseváldi čujuhuslisttut čužžot vuollelis) oažžun dihte eambbo jurdagiid ja dieđuid eará oahpaheddjiid vásihusain.
   • Du luohkká ii dárbbaš oassálastit iežaset eatnigillii. Sii sáhttet vaikko juohke modula nammii válljet sierra giela.
2. Gávnna daid čujuhuslisttuid namaid máid háliidat  ja mat leat du válljen giela(id) oasseváldiide.
3. Dieđit iežat mielde daidda čujuhuslisttuide maidda háliidat.

   Ovdamearka: Háliidat searvat dárogillii. Oahpaheddjiid listu (geahča vuolábealde) lea Kidleader-Norsk. Don searvvat go sáddet emaila. Listserv@listserv.nodak.edu. Čále čuovvovaš gohččuma iežat dihtui (linjjá 1):

   subscribe kidleader-norsk Iežat-Olles-Namma

   Jus du namma lea Ole Olsen, de linjjá galggašii leat «subscribe kidleader-norsk Ole Olsen». Seammaláhkái dieđihat iežat mielde eará listtuide maid háliidat alccesat ja iežat ohppiide.

4. Siđa iežat ohppiid vástidit Kidlink:a gáibiduvvon njeallje jearaldaga  ovdal go luoittát sin prográmmii.

   
   Fuomáš 1: Du oahppit sáhttet álgit Modul 1:in almma vástitkeahttá jearaldagaid dasgo ráhkadit vástádusaid lea oassi modula sisdoalus.
   Fuomáš 2: Du oahppit eai galgga vástidit dáid jearaldagaid eambbo okte
   .

   Dieđihit iežat ohppiid mielde: Jus máhkaš háliidat ahte du oahppit oassálastet eŋgelasgillii, ja háliidat ahte sii galget bargat dušše ovtta email bokte man namma lea «Eydehamn Skole, 9. klasse». Dieđit sin mielde KIDWAI čujuhuslistui go sáddet emaila  Listserv@listserv.nodak.edu. Čále čuovvovaš gohččuma iežat dihtui (linjjá 1):
   subscribe kidwai Eydehamn Skole, 9.klasse
   Ráva: Deaddel dákko jus leat dušše okta emailkonto skuvllas.

5. Searvat moduliidda lea álki.

   Sii guđet leat dieđihuvvon mielde oahpaheddjiid čujuhuslisttuide modula álggu rájes, ožžot jođiheaddjis dieđu goas galget álgit.

   Jus searvvat čujuhuslisttuide beare maŋŋit itge oaččo dán dieđu, de logat dušše modula njuolggadusaid ja bargoplánaid, ja nu de álggát.

   Jus leat eahpesihkar, de sáddestat emaila Giellabiire jođiheaddjái, (The Language Area Coordinator), dahje sádde iežat jearaldaga áigeguovdilis oahpaheaddji čujuhuslistui

   Fuomáš: Eanaš mánuid lágiduvvojit moadde modula oktanis. Danne oasseváldit fertejit atnit fáddalinjjá earuhan dihte modulaid. Dan dagat go fáddálinjjá teavstta bijat ovdal čuovvovaš kodaid nu go dát čájeha:

    

   Modula namma	Modula koda
   Gii Lean Mun?	WAI:
   Gos Mun Orun?	WHERE:
   Makkár Vuoigatvuođat leat mus?	RIGHTS:
   Mu Olbmát ja Bearaš	FRIENDS:
   Mii Lea Mu Duogáš?	ROOTS:
   Duohta Luopmu:	VACATION:

    

Searvat KIDLINK:I - dieđihit iežat mielde

It sáhte sáddet boasta min KIDLINK listtuide jus ii leat dieđihan iežat daidda mielde. Gávdnojit dieđut dan birra movt dan galggat dahkat. Fertet dieđihit iežat mielde buot listtuide main don ja du oahppit áigubehtet oassálastit. Vástidit 4 KIDLINK jearaldaga Vuosttaš geardde go oahppit bohtet KIDLINK:i de galget vástidit 4 KIDLINK jearaldaga. Eai dárbbaš vástidit jearaldagaid eambbo go okte sin Kidlink jagiin.

Gii-lean-mun? prográmma modul 1 lea ráhkaduvvon ohppiide veahkkin vástidit njeallje jearaldaga. Dán modula sáhtát atnit luohkálanjas nu guhká go min prográmma bistá. Sáhtát maiddái atnit Kidlink:a sajáiduvvan bargovuogi mii lea čilgejuvvon min  VÁSTÁDUS siiddus. Dása ii soaitte mannat nu ollu áigi.

Njuolggoluodda eambbo dieđuide

Eará ávkkálaš diehtofiillat

• Latnjabargguid árvalusat
• Dávjá jerrojuvvon jearaldagat oahpaheddjiide/rávisolbmuide
• Dávjá jerrojuvvon jearaldagat ohppiide/mánáide
• Oahpaheaddjerávvagat

Gii-lean-mun? prográmma fállet searválaga dát Nášuvnnalaš oahpponeavvoguovddáš  (Norga)  ,   Dánmárkku oahpahusministeriija vuođđoskuvlaoahpahusa departementa  (Danmárku) , Ruoŧa nášuvnnalaš oahpahusorgána, ja Stiftelsen Kidlink (Norga). . 

Sámegillii Sámi oahpahusráđđi. Sámi Web veršuvnna divoda Mathis Persen Bongo  . - Ođasmahttojuvvon golggotmánnu 2.b 1998. Dán siiddu ođđaseamos veršuvnna gávnnat /kie/nls/saami/welcome.html. Deaddel dákko jus áiggut eambbo dieđuid. Copyright ® 1998 Kidlink . All rights reserved.