Dearvvahit mu bearraša

Kidlink mielbargi Daniel Maslowski bearrašiinnis

"Mii lea mu duogáš?" modula vuosttaš bihtás mii muitalit iežamet bearrašiid birra. Gean dovddat buoremusat ? Na iežat, dieđusge! Leat DON! Dás mii álgit go gizzugoahtit iežamet sohkamuorain. Mii háliidit diehtit geat min sogas leat, gos leat orron ja movt leat hábmen min dakkárin go mii leat odne.

Digaštallan - jearaldagat Maid oaivvildit go dadjat "min duogáš"? Leat go goassege ráhkadan sohkamuora? Go ráhkadat sohkamuora de álggát iežainat. Muital ohppiide geat oassálastet dán modulis iežat birra. Muital midjiide iežat nama ja gos ja goas don riegádit. Leat go don gásttašuvvon girkus vai eará oskkolaš meanuin? Bivdde iežat váhnemiid dahje áhkuid ja ádjáid muitalit dutnje daid meanuid birra. Čále dán muitalusa listserv:i. Mii dáhpáhuvai máilmmis dan mánu go riegádit? Geahča dán fierbmesiiddus vástádusa: Vaikko guhte jahki: Dálá Historjá. Muital midjiide miellagiddevaš fearániid mat dáhpáhuvve máilmmis. Jeara iežat fierpmádat-ustibiin, geat barget dáinna moduliin ovttas minguin, makkár ᚚit de dáhpáhuvve máilmmis go sii riegádedje. Ožžot go namat dalle go riegádit vai veahá maŋŋelaš? Bidje go du ovttage fuolkki gáibmin? Sulástahtát go don dan olbmo mange ládje? Lea go vejolaš ahte min namat sáhttet váikkuhit min persovnnalašvuođaid? Doaivvut go ahte nieida gean namma lea Joy (illu) lea lihkolaš mánnán ja rávisolmmožin? Leat go du sogas erenoamᚠnammavierut? Juogat daid minguin listserv:s. Dieđát go man guhká olbmot leat atnán ovdanama ja goarggu? Doaivvut go ahte olbmuin álo leat leamaš guokte nama? Dieđát go mas du goargu lea vuolgán? Muhtun kultuvrrain vuolgá goargu fidnus mii máttuin lei. Duiskkas mearkkaša goargu Lichtman - okta gii ráhkada gintaliid; Arzt - doavttir; Bader - barberejeaddji; Bauer - boanda. Eará riikkain čujuha goargu olbmo áhččái. Goarggut sáhttet maid čájehit gos máttut leat orron, ovdamearkka dihte Walsh (Wales) dahje Norman (Normandies). Gos doaivvut ahte Lawrence Atwoods sohka sáhttá leat orron ovdal? V8. Finat dán fierbmesiiddus Surnames: What's in a Name? (Goarggut: Maid muitala namma?) Geahča iešguđetlágan goargguid ja gos dat vulget. Gávnnat go guđe kategoriijai du goargu gártá? Go gávnnat vástádusa, muital dan midjiide earáide listserv:s. Bivdde iežat váhnemiid govvidit dan vuosttaš viesu gos don orrot. Orut go ain seamma viesus? Bivdde iežat váhnemiid čilget erohusaid gaskkal dán viesu ja daid viesuid gos ieža bajásšattaiga. Gallii báikkis leat orron? Muittát go daid visot? Leat go goassege gávdnan boares girjjiid, beaivegirjjiid dahje dávviriid lovttas mat muitalit dutnje du máttuid birra? Muital midjiide maid leat gávdnan. Orrot go dus fuolkkit lahkosis, nu go muoŧat, goaskit, siesat, imit, ednot, čeazit, eagit, mágat, vilbealit, oambealit ja áhkut ja ádját? Makkár fievrruin jođát go finadat died fulkkiid guossis? Makkár fievrruiguin sii johte go gallededje iežaset fulkkiid dalle go ledje du agis? Makkár deaŧalaš dáhpáhusat leat leamaš du eallimis dán rádjái? Čális daid ja govvit daid midjiide buohkaide. Leat go fárren dan gávpogis gos riegádit? Goas fárrejit? Dieđát go manne dii fárriidet? Bivdde váhnemiiddát muitalit dutnje daid báikkiid birra maid ieš it muitte go ledjet beare unni go fárriidet. Leat go dus oappát ja vieljat? Muital midjiide sin birra. Man boarrásat sii leat? Orrot go sii du lahkosis, vai leat go fárren guhkás eret? Lea go sis oktage náitalan? Leat go sis mánát? Leat go du áhči váhnemat ain eallime? Mat leat sudno namat ja gos soai orruba? Mainna soai bargaba/barggaiga? Go diđoštit makkár bárggut du fulkkiin ledje, dáhpáhuvai go goassege ahte it ipmirdan muhtun sániid?...Oza dán fierbmesiiddus eambbo miellagiddevaš fidnuid: http://onthenet.com.au/~tonylang/occupa.htm Gávdnojit go dát fidnut ain dál? Jus gávdnojit, leat go namat rievdan? Jus dát fidnu ii šat gávdno, manne doaivvut ahte lea jávkan? Leat go du eatni váhnemat ain eallime? Mat leat sudno namat ja gos soai orruba? Mainna soai bargaba/barggaiga? Lea go du riikkas vierru ahte nuorat bearašlahtut fuolahit boarraset ja buohcci bearašlahtuid, vai bidjet go sin buohccivissui? Árbeoapmi lea sohkadávvir man leat árben buolvvas bulvii, ja mii dovdduid dáfus lea hui mávssolaš sohkii. Jeara iežat váhnemiin leat go din sogas erenoamaš árbeoamit. Muital midjiide daid birra. Leat go dus dávvirat maidda liikot bures ja maid háliidivččet ahte du mánát ja áhkkubat/áddjubat galggaše árbet? Makkár dávvir lea dutnje nu mávssolaš? Govvit dan midjiide, goas dan ožžot, dahje ráhkadit dan ja manne dat mearkkaša dutnje nu ollu Lea go oktage du sogas dahkan juoidá mii lea veahkehan din soga, báikkálaš servodaga dahje našuvnna? Makkár erenoamᚠattáldagat leat/ledje sus? Leat go du mielas du máttut váikkuhan dasa makkár don leat dál? Jurddaš ᚚiid maid anát árvvus ja mat dutnje leat deaŧalaččat. Ledje go du máttuin seamma nanu árvvut ja dovddut? Jus ovdamearkka dihte liikot musihkkii dahje dáidagii, leat go árben dan ráhkisvuođa iežat fulkkiin? Sáhttá go árbet diekkáriid go ráhkisvuođa dáidagii, dánsumii dahje musihkkii? Sáhttá go diekkár surggiid attáldagaid árbet? Leat go din sogas erenoamaš lávlagat maid lávlubehtet stuora bearaščoagganemiin? Lávlot go du boarraset fuolkkit seamma lávlagiid go don, vai lávlot go eará lávlagiid? Dovddat go daid lávlagiid? Lea go vierru du riikkas ahte nuorat bearašlahtut fuolahit boarraset ja buohcci bearašlahtuid, vai lea go dábálaš ahte sin bidjet buohccivissui? Árbeoapmi lea sohkadávvir man leat árben buolvvas bulvii, ja mii dovdduid dáfus lea hui mávssolaš sohkii. Jeara iežat váhnemiin leat go din sogas erenoamaš árbeoamit. Muital midjiide daid birra. Leat go dus dávvirat maidda liikot bures ja maid háliidivččet ahte du mánát ja áhkkubat/áddjubat galggaše árbet? Makkár dávvir lea dutnje nu mávssolaš? Govvit dan midjiide, goas dan ožžot, dahje ráhkadit dan ja manne dat mearkkaša dutnje nu ollu. Leat go du riikkas biddjojuvvon sierra beaivvit bearraša gudnejahttimii, ovdamearkka dihte eatnibeaivi dahje áhčibeaivi? Goas ja movt ávvudit daid beivviid? Klássalatnja - doaimmat Finat dán fierbmesiiddus geahččame ovdamearkka dihte "sohkadivtta" ja movt dat čállojuvvojit. MindSpace Lineage Poems. Divtte olles klássa čállit sohkadivttaid ja čájehehket daid din skuvlla eará klássaide. Dáid lea deaŧalaš váldit mielde sohkadiktii: nama váhnemiid namaid buolva/ gokko sogas leat jorgalit amasgielas, jus dovddat dan persovnnalašvuohta beroštumit juoidá iežat soga birra juogalágan mearkkašupmi buot dáid birra... Dán modula gávcci vahkkus galggat ráhkadit sohkamuora. Čohkkegoađe dieđuid sohkamurrii go jearahalat fulkkiid namaid, riegádandáhtomiid ja riegádanbáikki. Čohkke daid dieđuid ja govaid máhppii. Čohkke maid deaŧalaš dieđuid fulkkiid birra, maid háliidat váldit mielde sohkamurrii. Olles klássa sáhttá čađahit jurddariđu gávdnat jearaldagaid maid sáhttibehtet jearrat eatnis, áhčis, áhkuin ja ádjáin ja fulkkiin. Juogadehket dáid jearaldagaid minguin geat leat modulis mielde. Láhtte ahte sáhtát máhccat ruovttoluotta dološáigái. Don ságastalat fulkkiin gii elii áigá dolin. Maid dajašit sutnje? Čále ságasteami lávdebihttán dahje čájálmassan. Gávnna ovtta luohkás gii neavttaša du boares fuolkki ja dasto neavttašeahppi olles bihtá. Hupme go du máttut eará giela go dii hupmabehtet dál, go bohte eará riikkas? Jus nu lea, ráhkat álkes sátnegirjji dán giela sániin. Soaittát fertet atnit eará KIDLINK-ariid geat hupmet dan giela, alccesat veahkkin, jus fal ii oktage du sogas šat huma dan giela. Geahča RESPONSE -vuorkkáin eará riikkaid KIDLINK-ohppiid. Ráhkat dioráma (golmmadimenšonálat čájáhagaš skuovvagássažis) mas čájehat viesu dan áiggi goas okta du máttuin elii. Várut fal ahte biergasat maid bijat vissui ledje juo fuomášuvvon dalle. Diđoš girjerádjosis dahje fierpmádagas sihkkarastin dihte ahte du dioráma lea autenttalaš. Bovde muhtun fulkkiid skuvlii čájehit masa sii leat erenoamᚠčeahpit. Jus du sogas leat báŋko-olbmot, de soitet sáhttit boahtit hupmat du klássain báŋkobarggu birra. Jus du klássas leat boanddat de sáhttet muitalit makkár hástalusat leat go galgá eatnamis viežžat birgejumi, ja movt dát lea rievdan dahje bisuhuvvon daid maŋemus jagiid. Dollet "áhkuid ja ádjáid beaivvi" ja bovdejehket ádjáid ja áhkuid skuvlii. Lávlot lávlagiid, čállet divttaid, málejehket govaid sidjiide ja gudnejahttet sin ávvudemiin. Bivdet sin muitalit klássii muitalusa go sii ledje nuorat. Leat go don dahje du fuolkkit ožžon erenoamᚠbálkášumiid, medáljaid dahje vuoittuid? Váldde daid mielde skuvlii (jus oaččut lobi) ja muital movt daid ožžot. Báddejehket dahje filbmejehket go jearahallabehtet boarraset fuolkki, dahje go ovttastallabehtet boarraset fulkkiin. Sii soitet háliidit muitalit muitalusaid maid don sáhtát fas juogadit iežat klássa-ustibiiguin.