Áigemearit:
Ođđajagimánnu 

Modula Čilgehus:

"Mii Lea Mu Duogáš?" modul lea oassi ollislaš prográmmas man namma lea Gii Lean Mun?

Oahppit álggahit guorahallat iežaset Sohkamuora go geahčadit lagamus bearraša ja maiddái máttuid. Sii geahččalit fuobmát movt sin sohka elii máŋga jagi dás ovdal ja movt sin máttut veahkehedje hábmet sin danin geat sii dál leat.

Modula 3. ja 4. vahkkuin oahppit geahččalit fuobmát gos sin sogat leat vuolgán. Čađat sii galget geahččalit gávnnahit manne sin sohka soaitá fárredan báikkis báikái dahje juo orron dan seamma guovllus gos sohka álggahuvvui čuđiid jagiid dás ovdal. Oahppit galget jurddahallat movt kultuvrrat assimilerejuvvojit eará kultuvrraide ja muhtomin másset identitehtaset. Sii digaštallet man dehálaš lea dohkkehit min kultuvrralaš girjáivuođa ja ávvudit dan dihte.

Elle go min máttut seammaládje go min dálá oahppit? Dá lea 5. ja 6. vahkkuid fáddá, go oahppit jurddahallet movt dološ áiggi lei ja buohtastahttet otnážiin. Sii guorahalllet ᚚiid nugo álbmotlassáneapmi, ođđa fuomášumit, ruđaid árvvu rievdan, biktasiid ja vuoktamálliid rievdan.

Modula guokte maŋemus vahkku galget oahppit jurddahallat makkár ovddasvástádus sis lea dain ođđa surggiin mat šaddet sin sohkamuorain. Sii jurddahallet makkár máilmmi sii háliidivčče iežaset mánáide ja áhkkubiidda/áddjubiidda.

Juohke guovtti vahkku bihtáin leat ollu digaštallanjearaldagat ja klássalatnjadoaimmat. Ii daid dárbbaš visot bargat! Mii addit dutnje fuomášumiid, muhto galggat beare válljet dan mii heive du klássii.

Oahpaheaddjit ávžžuhuvvojit atnit iežaset fuomášumi ja jurdagiid dán modulis. Čilgehus ii leat go ráva, galgabehtet áinnas váldit mielde eará ᚚiid mat gusket fáddái.

Modula Ulbmilat:

Oasseváldiid ulbmilat leat:

1. Árvvus atnit ja dohkkehit iežaset ja kultuvrraset oassin iežaset sogas.
2. Árvvus atnit buolvvaid gaskasaš gulahallama
3. Ovttasbargat ja oahppat eará studeanttaiguin/studeanttain online
4. Ovdánahttit hutkáivuođa ja kritihkalaš jurddašeami
5. Ovdánahttit guorahallandáiddu ja diehtinhálu
6. Čohkket ja árvvoštallat dieđuid elektrovnnalaš ja čállojuvvon gálduin

Mihttomearit: - Heivehit dán iežat fágii

Oahppit ohppet:

1. Lohkat e-boastta dieđuid ja vástidit earáide
2. Bargat joavkkuin iežaset klássalanjas ja maiddái joavkkuin online ohppiiguin
3. Atnit čállinproseassa juohkit dieđuid, ovdanbuktit persovnnalaš jurdagiid ja humahit nuppiid.
4. Duohta áiggis gulahallat earáiguin go atnet IRC dahje Kidspace.
5. Ohcat dieđuid World Wide Web:s
6. Skoviiguin ja gráfaiguin analyseret ja dulkot dieđuid
7. Juohkit dieđuid kategoriijaid mielde
8. Buohtastahttit iešguđetlágan gálduid dieđuid
9. Atnit dieđuid čoavdit váttisvuođaid ođđa oktavuođain
10. Árvvoštallat man luohttehahttit WWW gáldut leat
11. Ovdanbuktit jurdagiid dáidaga, dráma dahje musihka ja maiddái teavstta bokte
12. Ákkastallat ja bealuštit iežaset oaiviliid
13. Čohkket dieđuid iežaset kultuvrralaš árbbi birra iešguđet gálduin, maiddái gulahallat boarraset fulkkiiguin, ja ovdanbuktit dan earáide