Leat go mus vuoigatvuođat skuvllas

Leat go goassege háliidan leat "rektor ovtta beaivái"? Maid livččet dahkan? Maid livččet rievdadan iežat skuvllas?  Lea go skuvla bákkolaš doppe gos don orut? Go vástidit nuppi KIDLINK jearaldaga de čállet manin áigot šaddat go stuorut. Movt áiggut ollašuhttit dán mihtu, oažžut dán barggu? Makkár máhtu dárbbašat jus galggat leat doaimmalaš rávis olmmoš otná servodagas? Movt lea buoremus oažžut dan máhtu?

Divaštallan Jearaldagat

1. Masa liikot buoremusat iežat skuvllas?
2. Guđe oahpaheaddjái liikot buoremusat? Manne dát oahpaheaddji lea dutnje nu erenoamáš?
3. Lea go du mielas skuvlaunifoarbma buorre jurdda? Lea go du skuvllas njuolggadus movt gárvodit skuvlii? Lea go du mielas dat buorre njuolggadus?
4. Gallii áiggi dis álgá skuvla iđđes? Lea go dis skuvla lávvordagaid?
5. Makkár jahkeplána din skuvllas lea? Guđe mánu skuvla álgá ja guđe mánu nohká?
6. Guđiid fágaide liikot buoremusat? Guđe fágii liikot unnimusat?
7. Beasat go ieš válljet fágaid bajit luohkáin?
8. Lea go dus iežat sadji skuvllas, nu go omd. skuvlaskábe/hildu gosa bijat olgguldasbiktasiid ja skuvlaseahka?
9. Lea go dus seamma oahpaheaddji olles beaivvi, vai sirddát go lanjas latnjii iešguđet fágaid mielde?
10. Leat go don ovttas iežat ahkásaš mánáiguin olles beaivvi? Lea go buoret go aivve ovtta ahkásaš mánát leat ovttas vai galggašii go seaguhit iešguđet ahkásaš mánáid luohkáide?
11. Makkár fágaid háliidivččet oahppat mat din skuvllas eai leat? Lea go dus mihkkege dadjamušaid das movt ja máid oahpahit didjiide skuvllas?
12. Váldet go oahpaheaddjit du vuhtii? Leat go din skuvlla oahppit mielde mearrideame áššiin mat njuolga váikkuhit mánáid?
13. Leat go váhnemat mielde din oahpaheamis? Bovdejit go váhnemiid finadit skuvllas? Leat go váhnemat eaktodáhtolaččat veahkkin din skuvllas?
14. Lea go máŋggakultuvrralaš oahpahus oassin din oahppoplánain? Movt du mielas galggašeiddet oahpahuvvot eará kultuvrraid birra?
15. Movt sidjiide, geat aitto leat boahtán din skuvlii ja riikii, láhččojuvvojit go dilit oahppat din giela ja seammás doalahit iežaset kultuvrralaš identitehta?
16. Leat go din skuvlavuogádagas geahččaleamit maid buot oahppit galget ceavzit? Ballet go oahppit dáin geahččalemiin?
17. Orro go du mielas lohpi meaddit din skuvllas? Makkár meattáhusaid lea lohpi bargat, ja makkáriid ii? Makkár váikkuhusat leat jus dagat boastut? Leat go du mielas vuoiggalaš njuolggadusat?
18. Makkár dovdu lea dus skuvllas? Lea go skuvla ilolaš sadji? Lea go doppe hoahppu? Leat go oahppit siivut guhtet guimmiideasetguin? Movt du mielas galggaše skuvlaoappát ja -vieljat láhttet duinna? Movt du mielas galggašit don láhttet singuin?
19. Hástaluvvot go don jurddašit? Oahpat go áššiid mat mearkkašit juoidá dutnje? Veahkeha go skuvla du buot du oahppodárbbuiguin?
20. Movt plánejuvvošii oahppu skuvlla haga? Lea go váhnemiin du riikkas "ruovttu oahpahus" iežaset mánáide?
21. Rávis olbmot mearridit ahte don galggat vázzit skuvlla. Lea go dát rievttes mearrádus dutnje? Manne?

Melissa, "Undoukai" - valáštallanbeaivi Japana skuvllain

Luohkkálatnja Doaimmat

1. Barget joavkkuin luohkás ja govvidehket "ideála skuvlla". Servet eará luohkáiguin Kidlink IRC:s ja ovdanbuktet iežadet skuvlla daidda. Sárgot gova iežadet ideála skuvllas.
2. Čále beaivegirjji dábálaš beaivvis du skuvllas. Geahča KIDLINK Day prošeavtta ja geahča movt eará mánát golahit iežaset skuvlabeaivvi. Juohke oahppi čállá máid barget juohke diimmu ovtta olles beaivvis.
3. Loga maid earát čállet iežaset skuvllaid birra. Muital sidjiide movt du mielas orru sin skuvla ja bivdde sin čilget áššiid maid it ipmir. Leat go earáid skuvllain áššit mat dis eai leat? Háliidivččet go daid áššiid iežat skuvlii?
4. Čále haiku mii muitala du rektorii ovtta diŋgga maid háliidat iežat skuvlii, muhto mii ii leat. Hábme iežat haiku go anát dan mediuma masa liikot buoremusat.
5. Loga Math Anxiety Bill of Rights (Matematihka balu vuoigatvuođaid julggaštus) ja ráhkat iežat vuoigatvuođaid julggaštusa vaikko guđe fágii skuvllas.