Imaštalat go goassege «manne??? Manne ferten leat ruovttus dihto áiggi
go mu olbmát besset leat olgun gitta ... rádjái? Manne mun ferten
nohkkat ...... vaikko eai leat nahkárat? Manne in beasa vuolgit
duohko dahje dohko?»
Du oadjebasvuohta mánnávuođas lea hirbmat mávssolaš vai
don ovdánat ollislaš mentála, rumašlaš ja psykologalaš dássái
rávisolmmožin. Dát mearkkaša ahte dárbbašat doarvái borramuša,
suoji ja láđis birrasa. Ii oktage galggašii vahágahttit ii ge
illastit du man ge lahkái. Du váhnemiin leat njuolggadusat mat
doalahit du oadjebassan vaikko it álo soaitte ge leat ovttaoaivilis
sudnuin.
Narkotihkalaš mirkkut billistit ollu nuoraid eallimiid. Muhtun
nuorat dárret badjelmeare iežaset deattuin ja nealgudit rupmašiiddiset.
Sii vahágahttet iežaset go eai liiko dasa maid speadjalis oidnet. Gávdno
soahti. Don it soaitte gillát soađi hearjidemiid, muhto du ahkásaš
mánát gillájit. Zlata Filipovic, nuorra nieide gii elii soađis
Bosnias, lea juste dakkár go don. Son čálii beaivegirjii mainna
lea beaggán. Kidlink IRC:s son bođii online ja humadii minguin.
Jus mii eat váldde vára eatnamis, de billistit iežamet oadjebas
birrasa, eat dušše iežamet ovdii muhto buohkaid ovdii geat min maŋŋil
bohtet.
 |
| Ale nuoskkit iežat
planehta go don soaittát šállošit, it dal gal muhto maŋŋil.
Sárgon: Rossana ja Maria Uruguayas. |
Digaštallan Jearaldagat
- Leat go du váhnemat mearridan dutnje dihto áiggi goas galggat
leat ruovttus vahkkoloahpaid? Mearrideiddet go dán ášši ovttas?
Leat go du gilis lágat mat mearridit galli áiggi mánát galget
leat ruovttus eahkes? Lea go du mielas dát vuoiggalaš
njuolggadus? Leat go geasset earálágán njuolggadusat go dálvet?
- Berreše go váhnemat ráddjet galle diimmu mánát gehččet
TV? Lea go du mielas TV:s ollu veahkaváldi? Vahágahttá go dát
mánáid?
- Leat go din filmmat mearriduvvon dahje juhkkojuvvon heivvolaš
ahkemeriid mielde? Man boaris galggat leat go beassagoađát
filmmaide rávisolbmuid haga?
- Mii lea immuniseren? Makkár boahkuid ožžot njuorat mánnán?
Leat go makkárge boahkut gáibiduvvon ovdalgo álggát skuvlii?
Manne doaivvut ahte muhtun mánát eai oaččo boahkuid?
- Jus oktage bávččagahttá dahje givssida du, lea go
dus oktage geainna sáhtát hupmat
- Gii mearrida du skuvlaniestti? Oasttát go borramuša skuvllas
vai válddát go niestti mielde? Berrešit go iežat mielas ieš
stellet alccet niestti ja ieš mearridit máid válddát
skuvlaniestin?
- Mat leat anoreksiija ja bulimiija? Oza World Wide Web:s dieđuid.Leat
go dieđut luohtehahtti? Mas dan dieđát?
- Movt anoreksiija ja bulimiija billistit nuorra nieiddaid
eallimiid? Dovddat go ovttage dovddus olbmo gii vahágahtii iežas
rumašlaččat dahje jámii borranváttu geažil?
- Doaivvut go ahte muhtun narkotihkat leat várálaččat
du dearvvašvuhtii? Leat go muhtun narkotihkat dohkkehuvvon soames
sajiin máilmmis, mat eai leat dohkkehuvvon eará sajiin?
- Leat go dis skuvladiimmut várálaš mirkkuid birra? Doaivvut go
iežat gilis ollu nuoraid iežaset vahágahttit go atnet
narkotihkaid?
- Gallis dis leat massán ráhkkása dahje lagas ustiba
lihkohisvuođa dahje buozanvuođa geažil? Govahala movt
lea massit ráhkkásiid ja ustibiid ja ruovttu soađi geažil.
- Mánáid oadjebas bajásšaddan birrasii gullá buhtis eana.
Govvit «buhtes eatnama».
Luohkkálatnja Doaimmat
- Gii du dikšu go leat buohcci? Huma iežat váhnemiiguin ja
čále listtu iežat mánádávddain ja goas dus ledje dat.
Čále girjjáža iežat «Buohcci Historjjás» ja čále
movt du dikšo ja movt dus lei go buhcet.
- Čále stiilla «Jus mus livčče ovddasvástádus
skuvllas..». Sádde dan listserv:i.
- Ráhkat skuvlaborrama fálu guovtti vahkkui. Makkár biepmuid fálašit?
Makkár gáržžidusaid evttohivččet (ii leat sálti,
unnán buoidi jna.)?
- Lohket ja digaštallabehket Zlata Beaivegirjji luohkás. Divokeahtes
loggavuorkkas (81 K) 4 diibmosaš ságasteamis Kidlink
IRC:s leat maid Zlata iežas sánit.
- Gávnnat iežas buoremus dearvvašlaš snoabastanbiepmu. Dollet
snoabastanbeaivvi skuvllas ja juohkehaš luohkás váldá mielde
snoabastanbiepmu masa liiko buoremusat (ja vaikko biebmoráhkadan
bagadusa) ja maid juogada luohkáin.
|
