Movt sáhtán váldojuvvot vuhtii?

Dál sáhtát váldojuvvot vuhtii. Gallii leat dovdan ahte ii oktage guldal du?

Jurdagiid ja oaiviliid sáhttá ovdanbuktit dainna lágiin ahte olbmot gillegohtet gullat min. Galggašii go du mielas mánáin leat vuoigatvuohta ovdanbuktit oaiviliiddiset ja leat mielde mearrideame áššiin mat gusket sidjiide? Dáid áššiid birra jurddahallat dán vahkku bargguin.

Digaštallan Jearaldagat

1. Juohkehaš háliida leat mielde mearrideame áššiin mat gusket sidjiide. Namut moadde dilálašvuođa dahje «ášši» mat leat dutnje dehálaččat.
2. Jurddahala lea go du goassege leamaš hállu leat mielde mearrideame juoidá mii guoskkái dutnje, muhto it beassan. Movt de orui dutnje?
3. Manne doaivvut ahte rávisolbmot eai álo divtte mánáid leat mielde mearrideame?
4. Lea go muhtun riikkaid mánáin eambbo friddjavuohta ovdanbuktit oaiviliiddiset? Jeara iežat ustibiin dán prošeavttas, geat leat eará riikkain eret, makkár áššiin sii besset ieža mearridit.
5. Beasat go ieš mearridit movt golahat iežat astoáiggi valáštallamii dahje astoáiggedoaimmaide?
6. Liikojit go du bearašlahtut du musihkkii? Beasat go čuojahit iežat musihka ruovttus iežat lanjas?
7. Beasat go heŋget plakáhtaid iežat latnjii?
8. Go jur lean ožžon iežan lanja nu movt háliidan, de eadni dadjá: «Čorge lanjat.» Movt orru?
9. Gávdnojit go vuogit movt ovdanbuktit oaiviliiddámet positiiva lági mielde nu ahte olbmot eai suorgan? Jeara eará oasseváldiin makkár vuogit sin mielas leat buorit.
10. Berreše go skuvllat atnit siilejeaddji prográmmagálvvu World Wide Web:s?
11. Leat go muhtun dieđut vahágat mánáide?
12. Galggašii go du mielas mánáin leat vuoigatvuohta priváhta eallimii?

Luohkkálatnja Doaimmat

1. Luohkká ráhkada jurddadulvvi bokte listtu áššiin ja dilálašvuođain main mánát háliidivčče dadjamuša. Juhket listtu golmma suorgái: ruoktu, skuvla, servodat. Mannet smávit joavkkuide ja plánebehket movt din idèat sáhttet váldojuvvot vuhtii. Čájet dáid luohkkái.
2. Neavttašehket dilálašvuođaid main mánát muitalit rávis olbmuide iežaset idèaid. Leage jáhkkehahtti. Doarjjo iežat evttohusaid dohkálaš dieđuiguin.
3. Lágidehket čoahkkima eará luohkáin KIDLINK IRC:s ja hupmet digaštallan jearaldagaid birra duohta áiggis.
4. Jurddaš juoidá mii du mielas berrešii rievdaduvvot du gilis? Čále reivve báikkálaš áviissa doaimmaheaddjái dahje sátnejođiheaddjái.
5. Ane čáhcemálaid dahje vaikko makkár málaid ja hábme plakáhta iežat latnjii mas bivddát din viesu eará olbmuid árvvus atnit du priváhta eallima. Daga plakáhta «positiivalažžan», it fal negatiivalažžan.
6. Čále divtta mii muitala du váhnemiidda makkár vuoigatvuođat du mielas galggaše dus leat ruovttus.