5. ja 6. vahkku

Buresboahtin goalmmát bihtái Gii Lean Mun? prográmmas! Dán vuoru mii áigut oahppat du boahtteáiggi višuvnnaid birra. Višuvdna ahte galggašii máilbmi leat buoret buot elliide.Mánáin lea álkit ráhkadit stuorát višuvnna go ovttage rávis olbmos lea. Sis eai leat ovdagáttut ja ballu nugo rávis olbmuin lea agi mielde šaddan. Geahča mat iežat birrasis, liikotgo maid oainnát? Guđeládje sáhtášit dahkat buot veaháš buorebun?

Movt don háliidivččet máilmmi leat buoret máilbmin go šattat boarraseabbun? Logi dahje 15 jagi dás ovddosguvlui, máilbmi šaddá vásihit ollu rievdadusaid, buriid ja baháid. Nugo min servvodat lea, globála servvodat, mii šaddat váldit vára buot olbmuin mihtá máilmmi. Gávdnojit guovttelágan vuođđorievdadusat: luonddu ja dat maid olmmoš dagaha.

Luonddu rievdadusat dáhpáhuvvet go luonddus lea ee. eanandoarggáhusat, garra biekkat ja dálkkit. Mánnu rievdada ulličázi; ja eanan fas jorrá birra beaivvi ja addá midjiide jahkodagaid. Olbmot sáhttet rievdadit eallima sihke buoret- ja heajut guvlui.

Movt lea du višuvdna buoret máilbmái? Mii lea du niehku?

Divaštallan gažaldagat:

1. Váldo ealát ovtta gávpogis riikkas lea gitta das makkár industriija ja gálvovalljivuohta doppe lea. Danne leage muhtun sajiin hui dábálaš ahte olbmot barget manufaktovrrain dan sadjái go eará sajis lea fas eanandoallu dat váldo ealát. Mii lea váldoealát din servvodagas? Din gilážis? Din riikkas? Guđeládje čuohcá dákkár bargu olbmuid dearvvašvuhtii? Billista go dát doaibma luonddu?
2. Mii lea industrialiserejuvvon riika? Leago nu ahte industrialiserejuvvon riika lea rikkis riika? Makkár áitagat leat industriijas luonddu ektui?
3. Olmmoš ja dutkan ii sáhte bissehit vulkána, garrabiekka, eanandoarggáhusa dahje garradálkki. Luondu lea jiermádit huksejuvvon ja juohke diŋggas lea iežas ulbmil. Nu gohčoduvvon "luonddukatastrofat" ráhkadit rievddalmasaid mat leat áibbas veadjemeahttumat midjiide. Namut muhtumiid. Leatgo don ieš goassiige oaidnán vulkána go ealáska, garrabiekka dahje vásihan eanandoarggáhusa?
4. Ovdáneapmi lea midjiide addán ođđa dálkasiid maidda lea dárbu dálkut ođđa dávddaid. Leat go olbmot dearvašat dál go čuođi jagi dassá? Buktá go ovdáneapmi buoret eallima? Manne leat mis ođđa dávddat?
5. Muhtumin leat rávisolbmot nu diliheamit ahte eai šat sáhte návddašit maid eallin addá sidjiide. Eallima stuorámus ja divraseapmos illu lea áibbas friddjavuohta. Namut moadde ovdamearka. Movt don ja du bearaš návddašehpet eallima?
6. "Min ránnját leat min lagamus bearaš." Dát cealka sisttisdoallá ahte mis lea hui buorre oktavuohta min ránnjáiguin. Mii sáhttit veahkehit goappat goaimmi jus lea dárbu. Makkár eará ovdamunit leat go lea buorre ránnjávuohta? Riikkain leat maid ránnját. Guđe ládje sáhttet riikkat šaddat buorit ránnjážat?
7. Olbmot leat iešguđet hámis ja ivnnis. Geahččal mat govvet movt máilbmi livččii leamaš jus buohkat livčče juste ovttalágánat! Jus mii livččiimet buohkat ovttalágánat, movt de galggašeimmet dovdat erohusa nubbi nuppis? Min earalágánvuohta han leage mii dahká min erenoamážin. Go vel juomehat ge sáhttet leat goappát lágánat. Olbmuin lea vel dovddutge earelágánat (siste). Mii lea du erenoamášvuohta masa don ieš liikot? Naba du ustibis?
8. Mis sáhttet leat garra oaivvilat. Go vel ovtta bearrašis ge leat iešguđetlágán oaivilat. Movt don de čoavddát váttisvuođaid go du bearrašis leat iešguđet lágán oaivilat?

Doaimmat:

1. Mat leat du klássa ohppiid áigeguovdilis beroštumit? Soahti, mirkogeavaheamit, veahkaválddálašvuohta, biras, ovdagáttut, eará?
   Oza RESPONSE:s mat leat 3. Kidlinka mánáid vástádusat. Sin vástádusaid vuođul oahpat makkár ballu lea eará mánáin máilmmis. Ovdamearkka dihte: mirkogeavaheapmi,biras, ovdagáttut jna. (Don sáhttat válljet daid seamma riikkaid maid ovddit bihtás ledjet válljen). Bija bohtosiid tabulatorii. Mat de leat mánáid deháleamos váttisvuođat iešguđet riikkain maid leat válljen? Sáhtátgo čilget iežat bohtosiid? Bivdde daid ohppiid geat leat mielde prográmmas dahkat dan seamma iežaset klássas ja buohtastahttet bohtosiid e-poasta bokte.
2. Jurddaš mat ahte don sáhtát rievdadit buot maid dáhtut , maid de rievdadivččet? Čále essaya mas čilget daid áššiid mat eanemusat baldet du bearraša ektui, skuvlla, riikka otná dilis ja guđe ládje háliidivččet dát áššit galggašedje leat boahtteáiggis. Sádde dasto essaya oktasaš listtui vai dat eará oahppit geat leat mielde prošeavttas besset oaidnit bohtosiid.
3. Einnos mat makkár din gilli lea jagi 2098. Čále oanehis muitalusa gos čilget muhtin ášši birra din gilis jagi 2098 mii govvida du jurdaga. Bija kreatiiva bajilčállaga muitalussii. Ráhkat websiiddu gos almmuhat buot klássa muitalusaid. Lasit govaid vel dasa. Lonohallet adreassaid eará WAI prográmma oasseváldiiguin.
4. Ráhkat listtu mas leat dovddus olbmuid namat geat leat juoida dahkan (buori dj. bahá) mii juogaládje lea rievdadan máilmmi nugo dat odne lea. Vállje dasto ovtta sis. Ráhkat dasto postera mas lea su govva gos čilget: Maid dát olmmoš dagai go šattai dovddusin? Manne jáhkát earát muitet su? Lasit govaid, anekdotai ja dajaldagaid. Ráhkat websiiddu masa bijat su postera maid ieža lehpet ráhkadan. Siđa eará ohppiid geat leat mielde prográmmas dahkat dan seamma. Divaštala daid olbmuid geaid sii lea válljen. Ráhkat fas listtu masa bidjabehtet buot maid diehtibehtet dáid dovddus olbmuid birra.
5. Ráhkat websiiddu mas leat buot daid báikkiid govat iežat riikkas maid don háliidat suddjet. Pláne "govven-mátki" iežat olbmáiguin muhtun dáid báikkiide. Siđa eará mánáid geat leat mielde prográmmas geahččat din web siiddu.
6. Sárggo govaid mat čilgejit du oainnu movt boahtteáigi livččii buoret. Sádde dasto dán gova e-poasta bokte iežat online klássa ustibiidda ja bivdde singe dahkat dan seamma. Vuoje dasto mášiinnas olggos dán gova, bija dáiddára nama ja guđe riikkas lea eret juohke govvii. Ráhkat dasto stuora postera mas leat buot dát govat mielde.
7. Vástit gažaldahkii "Movt mun háliidan máilmmi leat buoret máilbmin go mun šattan boarraseabbun? Lasit dása vurkejuvvon vástádusaid dan guokte maŋimus bihtás.