Du luohkká KIDLINKA oahpaheaddjit geat áigot du veahkehit joksat mihttomeriid ráhkadedje dán prográmma. Mii diehtit dát bihtát šaddet hui somás oahppovásáhussan sihke dutnje ja du ohppiide.

«Gii Lean Mun?»

Vuosttaš bihtás álget oahppit eanet dovdat iežaset ja geat sii leat. Sii ohppet eanet iežaset historjjá go diđoštit daid erenoamášvuođaid ja iežaset namaid árbevieruid. Sii muitalit iežaset birra daid eará ohppiide geat leat mielde prošeavttas, ja lonohallet miellagiddevaš muitalusaid iešguđet namaid mearkkašumiid birra iešguđet riikkain. Sii maid ohppet movt elliid namat leat iešguđetlágánat iešguđet riikkain. Sii galget jearahallat váhnemiiddiset gullan dihte makkár miellagiddevaš duogášmuitalusat sin namain leat, ja dáid dieđuid fas lonohallat earáiguin Sii besset maid fuomášit makkár musihkkii ja dánsenmállii guhtege liiko.

Nuppi oasis dán bihtás de oahppit jovdet veahá guhkkelii dán prosessas mas sii oahpásnuvvet iežaineasetguin ja earáiguin buorebut. Sii maid fuomášit boahtteáiggiset iešguđetlágán vejolašvuođaid daid iešguđet riikkain ja servvodagain. Sii ohppet kariearaid ja vejolašvuođaid, ja makkár attáldagat olbmos galget leat iešguđetge bargguide. Sii muitalit iežaset oiddot bargguid birra. Oahppit vuođđudit searvvi gos válljejit daid olbmuid geat gosa heivejit. Sii bidjet muhtun ohppiid jearahallat nuppiid vai ožžot njuolgga «bargoohcan» hárjáneami.

Goalmmát bihtá čađaheamis oahppit ožžot iežaset jurdagiid movt buoret máilbmi galggašii leat.Sii oidnet dilálašvuođaid iežaset birrasis; mii das lea masa eai liiko dahje liikojit. Sii geahččalit gávdnat makkár diŋggat leat mat billistit luonddubirrasa. Sii humadit iežaset jurdagiid birra soađi ja ráfi ektui. Jearahallet nubbi nuppis iežaset nieguid ja baluid birra. Ná sii ohppet eará mánáid nieguid ja baluid birra eará servvodagain ja riikkain.

7 ja 8 vahkkus lea mis ohppiid joavku geat dál dovdet globála luohkkávásáhusaid. Dan guovtti maŋimus vahkkus besset oahppit lonohallat dárbbašlaš «globála buriid». Sii ráhkadit veahkkelisttu iežaset jurdagiin movt nubbi sáhttá nuppi veahkehit soabadančovdosa gávdnat. Dán bihtás gal šaddet iežaset jurdagiid hápmet duođalaš soabadančovdosii. Sii šaddet gávdnat čovdosiid movt geahččalit veahkehit vai máilbmi šattašii buoret sadji gos eallit otná rájis.

Juohke bihtá loahpas du oahppit vástidit gažaldagaid mat leat divaštallon dán bottus. Loahpageahčen 8 vahkku du oahppit sáddejit iežaset vástádusaid RESPONSII.

Mii bidjat mielddusin ollu divaštallangažaldagaid ja bargguid juohke bihttái. Vállje buot daid maid jurddašat don dárbbašat iežat ohppiide. Don sáhtat maid lasihit iežat erenoamáš bargguid.

Modula ulbmilat:

Oasseváldiid ulbmilat leat:

1. Dovddidit iežaset ja earáid buorebut.
2. Ovttasbargat ja oahppat eará mánáin geat leat linjjás.
3. Čoaggit dieđuid iešguđet sajis ja jorgalit daid jierpmálaš diehtun, árvvoštallat daid ja gulahallat ođđa ipmárdusa vuođul.
4. Buorebut ipmirdit sin iežaset kultuvrra ja eará riikkaid kultuvrra.
5. Ovddidit kritihkalaš jurddašeami.
6. Atnit dihtora oktan veahkkeneavvuiguin ávkin oahppat iežamet kulturerohusaid ja ovttalágánvuođaid birra.
7. Oahppat váttisvuođaid čoavdit ovttasbargguin.

Mihttomearit:

Oahppit ohppet dáid:

1. Atnit web-siidduid metodan lonohallat iežaset jurdagiid eará mánáiguin.
2. Atnit musihka ja dánsuma čájehit iežaset dovdduid.
3. Sáddet ja vuostáiváldit e-poastta dieđuid gulahallandihte earáiguin.
4. Ohcat ja čohkket dieđuid Kidlinka databasa bokte.
5. Ovddidit iežaset čehppodaga, fitmatvuođa ja dovdduid dáidaga bokte.
6. Joavkoovttasbargu iežas luohká ohppiiguin ja online ohppiiguin.
7. Ovdanbuktit iežaset jurdagiid čálalaččat.

Movt beassat mielde dán modulii