7 ja 8 vahkku

Dan golbma maŋimus bihtás don oahpásnuvvet iežat online klássaustibiidda, don ohppet sin namaid dovdat, sin nieguid ja muhtunmuddui sin vieruid/dábiid. Don leat maid oahppan dovdat mat áššit dat givssidit mánáid iežat riikkas, ja daid mánáid geat leat mielde prográmmas, ja vel Kidlink:a mánáid eará riikkain. Dál dovdat muhtunráje daid buriid mat gávdnojit globála klássas. Don leat maid "peršunaliseren ođđasiid". Go don dál oainnát muhtun dáid riikkaid nama ođđasiin, de dus lea earalágán oaidnu dán riika ektui: orot leamen dego oasseváldi. Dan dihte mii galgat dán bihtás oahppat movt soabadit. Oahppat daid áššiid birra maid don de galggat dahkat vai máilbmi šattašii buorebun buot ealliide.

Áidna báiki gos don gávnnat buorrelihkku ovdal barggu lea sátnegirjjis. Go galgá lihkostuvvat, de šaddá garrasit bargat daid áššiin mat leat dárbbašlaččat go olmmoš galgá lihkostuvvat. Don fertet soabadit! Min boahtteáigi sáhttá šaddat buorebun du veahkki geažil! Maid don de sáhtat bargat otná rájes?

Divaštallangažaldagat:

1. Don leat dál ožžon ođđa ustibiid globála klássa ohppiid gaskkas. Maid don de galggat dahkat vai doalahat oktavuođa singuin? Movt don de galgat dikšut ja nannet dán ustitvuođa?
2. Dál don dieđát movt du online ustibat háliidit iežaset birrasa buoridit. Makkár rávvagiid de sáhtát addit iežat ustibiidda?
3. Go mis lea váivi ja leat eahpesihkarat, de mii dárbbašit movttidahttima iežamet ustibiin. Dál leat don oasseváldi "globála birrasis". Buorit ustibat ráhkkistit ja dorjot nubbi nuppi. Dus lea dál diehtu movt du ustibat háliidit máilmmi leat buoret máilbmin. Maid don de sáhtat dahkat veahkehit sin buoridit máilmmi?
4. Ustibat ja bearaš lea hui dehálaš oassi min eallimis. Guđeládje don buohtastalat ráfálaš bearašeallima ja ráfálaš biraseallima? Makkár momeanttat leat dábáleamos (namman) go lea gilvu gaskkal oappážiid ja vieljažiid, gaskkal bearrašiid ja riikkaid gaskka gilvaleamis? Movt dán sáhttá rievdadit?
5. Min buori dili sáhttet olbmo daguiguin sihke suddjet ja billistit. Gean ovddasvástádus lea suddjet min boahtteáiggi?
6. Maid du bearaš bargá suddjentdihte din birrasa? Maid skuvla dahká? Naba din riika? Na maid don ieš dagat? Mii lea vel maid sáhttá dahkat?
7. Gávdnojit go din riikkas eallit mat fertejit suddjejuvvot? Gean ovddasvástádus lea sin suddjet? Maid don dagat suddjendihte daid?

Doaimmat

1. Oza RESPONSE:as geahččandihte maid 4 Kidlink mánát leat vástidan gažaldagaide. Sin vástádusain de boađát diehtit makkár beroštumit leat mánáin eará guovlluin máilmmis. Ovdamearkka dihte: "ale geavat mirkkuid", "čoakke ruskkaid go oainnát", "Ale dupme olbmo su virggi/doaimma ektui gilis" jna.(Don sáhtat válljet daid seamma riikkaid mat ledje ovddit háve nai) Bija bohtosiid tabulatorii. Mat leat mánáin iešguđet riikkas dat čalbmáičuohci čovdosat? Manne jáhkát ahte ná ollugat čálle juste dán? Leago danne go dát lea jođánis ja álkidis vástádus? Gáttat go sii jurddašedje ovdal go vástidedje? Mii dalle lea dat eanemus miellagiddevaš čovdosiid? Sáhtát go čilget iežat bohtosiid? Bivdde daid ohppiid geat leat mielde prográmmas dahkat seamma ládje iežaset klássas ja sáddet bohtosiid e-poasta bokte listui.
2. Maid don de dál galgat dahkat buoridit máilmmi? Váldde vuhtii iežat birrasa/gili, riikka ja olles máilmmi birrasa oktan dain váttisvuođaiguin. Čále dasto essaya gos don ovdanbuvttát iežat jurdagiid ja dovdduid dan ektui movt galggašii buoret boahtteáigi buohkaide. Mearrit dasto duođas maid áiggut. Sádde essaya prošeavtta oasseváldiid ohppiid listui. Prente muhtun daid essayaid maidda buoremusat liikot ja organisere ja ráhkat girjjáža ja almmut dán iežat gillái/birrasii ja bearrašii. Ráhkat fas listtu masa čálát movt sii veahkehit hápmet buoret boahtteáiggi buuohkaide.
3. Ráhkat elektrovnnalaš adreassagirjjáža. Hápme web siiddu mas leat buot du klássaohppiid e-poasta ja adreassat. Dása sáhtat bidja gova vel juohke nama báldii dahje bijat joavkko gova. Siđa globála klássaustiibiid dahkat dan seamma.
4. Čále divtta iežat ustibiid ja ustitvuođa birra. Sádde divtta listtui vai earát online klássaohppiin oidnet dan.
5. Ráhkat listtu iežat jurdagiid birra movt veahkehit klássaustibiid ja online klássaustibiid hápmet buoret máilmmi. Lasit tevnnega ja sádde dán listtui vai buohkat globálaklássas besset návddašit dan. Prente dasto iežat buoremus reivviid ja organisere daid gihpan. Atte gihppaga iežat ustibiidda ja bearrašii.
6. Ráhkat acronyma sániin RÁHKIS. Sádde kopiija acronymas prošeakta oasseváldiid listtui. Prente reivviid ja ráhkat postera mas leat globálaklássa ohppiid acronymana.
7. Iskka makkár eallit du báikkis leat áitojuvvon, ráhkat web siiddu dáid namaiguin oktan elliid govain. Čilge manne dát eallit leat áittojuvvon. Háste dasto eará ohppiid geat leat oasseváldit prošeavttas gallestallat din siiddu. Jeara makkár evttohusat sis leat mat sáhtášedje geahpedit váttisvuođaid. Lasit sin evttohusaid web siidui.
8. Smiehta mat makkár vejolašvuođat leat dán oahpus maid don oaččut ja nugo don ieš meannudat earáiguin, movt dát veahkehivččii máilmmi šaddat buorebun. Sádde iežat jurdagiid e-poasta bokte prošeavtta oasseváldiid ohppiid listtui. Siđa eará ohppiid geat leat mielde prošeavttas sáddet dutnje seammalágán listtu. Ráhkat jurddágirjjáža dáid dieđuiguin maid vieččat buot dáid listtuin.
   Prente ja juoge girjjáža iežat klássas.
9. Čále oanehis essaya mas čilget maid leat oahppan go leat leamaš oasseváldin dán prošeavttas. Mat ledje dat osiid maidda eanemusat liikojit? Mat ledje dat osiid jus ledje dakkárat, maid rievdadivččet? Essayas galget leat unnimusat 3 paragráfa.
10. Vástit gažaldahkii "Maid mun de galggan dahkat vai máilbmi šattašii buorebun?" Lasit iežat vástádusa daid vástádusaide maid ovdal leat vurken ja sádde buot njeallje vástádusa RESPONSA listui.