Maid mun háliidan bargat go šattan boarraseapput?
3 ja 4 vahkku

Sávan ahte gal don dál fal leat iežainat oahpásnuvvan, du skuvlavieljaiguin ja oappáiguin ja online skuvlaoappái- ja vieljaiguin buorebut. Geahččal iežat govvet logi jagi dás ovddosguvlui. Buohkain lea eallinulbmil. Mii du eallinulbmil lea? Dieđát go don dál juo maid don áiggut bárgat go rávásnuvat? Boahtte bihttá lea ámmáhiid ja bargguid birra.

Du buoremus ámmát lea hui ollu dan duohken movt don ieš leat, makkár beroštumit dus leat ja maid don ieš háliidat dahkat. Maid de fertet ieš dahkat vai juvssat iežat ulbmiliid ja máilmmiviidosaš servvodagaid ulbmiliid? Guđe guovlluin máilmmis don háliidat mannat? It leat goassige beare nuorra álgit jurddašit boahtteáiggi birra, vaikke vel molssut ge oainnut muhtun áiggis iežat mánná- ja nuorravuođas ja vel rávisolmmožin ge. Don berret nákcet ovttastahttit árvvuid, beroštumiid ja peršonalitehta go áiggut buori mearrádusa dahkat.

Olbmot leat iešguđet ge stuorrodagas, ivdnái ja lea vel sierralágán smáhkka ge. Muhtumin gullojit olbmot dadjamin ahte "ii hal nieida sáhte gal šaddat nu ja ná" dahje "ii hal bárdni gal sáhte danin šaddat". Du sohkabealli ii galgga leat mearrideaddjin maid don sáhtát bargat. Sihke nieiddat ja bártnit sáhttet šaddat oahpaheaddjin, girdijođiheaddjin, hukset šaldiid, láibut njálgga gáhkuid, čorget viesuid ja dahkat buori barggu mánáid bajásgeassimis. Goappešagat sáhttiba šaddat doavttirin ja buohccidikšun.

Dat lea hui buorre go olbmos lea niehku, ja dat lea du duohken čađahit dan. Muhtumin lea maid ávki earáiguin hupmat jus olmmoš ii leat vel mearridan maid áigu. Juohke mearrádus šaddá dahkot eahpečielga eavttuid mielde; eallimis eai gávdno dáhkádusat. Juohke mearrádus lea eahpesihkar, muhto go olmmoš hárjána, ii leat šat nu váttis dahkat mearrádusaid. Iskka mat iežat attáldagaid ja fuomáš masa leat čeahppi ja analysere makkár barggut duođai duhtadit ja movttidahttet du ja de identifisere makkár baohtteáiggi eallima háliidat.

Don ieš dušše sáhtát mearridit makkár niegut dutnje heivejit, vaikkevel šattat ge rahčat garrasit ollašuhttit niegut!

Divaštallan gažaldagat

1. Mii lea du oiddot fáddá skuvllas (earret ásttoáiggi)? Leat go don čeahppi matematihkas, diehtagis, gielas ja valáštallamis? Makkár ámmát gáibida ollu matematihka? Dieđa? Makkár ámmáha evttohivččet don dan olbmui guhte lea čeahppi gielas ja girjjálašvuođas?
2. Naba valáštallan? Don fertet leat mihá lašmat valáštallamis jus galgat beassat proffa valáštallin. Garra bargu ja hárjehaddan leat maid darbbašlažžan go galgá lihkostuvvat. Heive go dát eará ámmáhiid ektui? Naba astronautaide? Doaktáriidda?
3. Muhtun olbmot leat realisttat(dahkkit), árbevirolaččat (dat geat organiserejit), iskkadeaddjit/dutkit (jurddaseaddjit) Sosiálalaččat (veahkeheaddjit) Gávppašeaddjt(movttideaddjit) Dáiddalaččat(hápmejeaddjit).??????

   Leat go fuomášan guhte dain heive du lundui dahje du skuvlaoappáide/vieljaide? Gávdnojit go eará vejolašvuođat earret daid mat leat juo namuhuvvon dás? Dovddat go ovttage dovddusolbmo guhte heivešii realisttan? Naba árbevirolažžan? Dutkin? Sosiálan? Gávppašeaddjin? Hápmejeaddjin?

4. Ollu sajin šaddet olbmot mátkkoštit guhkás go skuvlii galget. Muhtumin leat bisttevaš garradálkkit. Guđeládje dát váikkuha servvodat oahpahussii?
   Maid sáhttá dahkat veahkehit dákkár dilálašvuođas?
5. Mánát geahččalit áđđestallat iežaset váhnemiid. Jus sin váhnemat lohket ollu girjjiid, de lea measta sihkkar ahte mánát maid lohket ollu girjjiid. Muhtumin lea olles bearaš eanandoalus, dahje dearvvašvuođa barggus, dahje bearaš mas buohkat leat láibedahkkit. Vel dakkár bargguid ge maid váhnemat háliidit, mánát geahččalit áđđestallat váhnemiid. Mii lea din bearraša oiddot bargu? Lea go eanet go okta din bearrašis dán barggus? Dovddat go eará bearrašiid gos leat eanet go okta olmmoš dan seamma barggus? Gáttát go váhnemat sáhttet váikkuhit dihto bargguide mánáid? Guđeládje? Gáttát go váhnen sáhttá váikkuhit ahte mánná ii álgge dihto bargui?
6. Muhtumat mis leat buorit ovttasbargit; muhtumat fas barget buorebut iehčanassii. Ovttasbargit leat "mieldelahttut ovtta páhkas"; sii barget ovttas earáiguin gitta dassá go bargu lea čađahuvvon. Sii leat veahkit. Nuppe dáfus sáhttá gohčodit iešlágána fas "oktansággin". Dát olmmoš háliida barggus bargat okto.Son ráhkada ieš čovdosiid praktihkalaš bargovásáhusaid bokte ja geahččala joksat ulbmiliid iešheanalaččat nu ahte ii viečča veahki earáin. Goabbá dain bargovugiin doaibmá buoremusat dutkanbargui, analiseren dahje reviderenbarggus? Geahččal gávdnat iežat ustibiid gaskkas geat leat dakkárat geat barget "oktansággin" dahje "mieldelahttun ovtta páhkas"?

Doaimmat

1. Mii geahččalat iskkat makkár virgeovdamunit du klássas leat? Čális báhpirii golbma virgenamahusa mat du mielas leat miellagiddevaččat.
   Bija bohtosiid tabellii beasat oaidnit makkár virggit du klássas leat bivnnuheapmosat. Dása bijat nama 1. TABEALLA Mii lea bivnnuheamos virgi du klássaustibiid gaskkas? Jus buohkat du birrasis háliidit juste dáid virggiid - makkár virggiide eai gávdno dalle bargit? Leat go dalle muhtun mánát du klássas geain livččii váttisvuohta gávdnat barggu dan dihte go dát virggit leat nu bivnnuhat? Jeara mat online ohppiin makkár virgesávaldagat sin klássas leat. Buohtastahtte iežadet bohtosiid singuin. Leat go seammalágán virgesávaldagat online ohppiiguin go dis? Geahččal čilget bohtosiid.
2. Go leat duohtaeallimis ohcamin barggu, don fertet gilvalit earáiguin dan seamma virggi alde. Geahččal ráhkadit duohtaeallindili: juohke klássa almmuha online iešguđetlágán rabasvirggiid jurddašuvvon fitnodagas. Bija gáibádusaid virgái. Buohkat du klássas ja onlineklássas sáhttet sáddet virgeohcamiid gos sii čujuhit manne juste son lea buoremus olmmoš dan virgái. Vállje ovtta gii galgá jearahalli juohke virggi nammii. Dát olmmoš de galgá mearridit guhte ohcci lea buoremus dan virgái ja dalle doarju ohcci.
3. Bovde olbmuid geain lea iešguđet lágán virggit boahtit din skuvlii gos sii hupmet sin bargguid birra online:s Sádde bovdehusa eará klássaide geat leat mielde online dán modulas. Juohke klássa ráhkada listtu gažaldagaide maid sii áigot jearrat dán olbmos. Guorahala maid dát olmmoš bargá.
4. Sirret joavkku smávit joavkkuide. Juohke joavku vállje ovtta riikka máilmmikárttas seainnis. Oza RESPONS:a arkiivas eanet dieđuid virgeválljemiid birra dán riika mánáid gaskkas. Makkár virgi lea bivnnuheamos dán riikas. Bija B TABELLII bohtosiid.
5. Bija sihke iežat klássa ja online klássa bohtosiid C TABELLII. Namut virggiid maid nieiddat ja bártnit leat válljen. Makkár váikkuhusat leat kultuvrras ja árbevierus ja gos don ásat go válljet virggi?
6. Makkár peršovnnalasvuohta heive dáid iešguđetge dovddus olbmuide? Albert Einstein, Mother Theresa, Pablo Picasso, Amandeus Mozart, Mohandas Ghandi, Leo Tolstoy, Queen Elizabeth, Ernest Hemmingway, Paul Gauguin, Michael Jordan, Andrea Agassi, Walt Disney, Bill Gates, Marie Curie. Ráhkat iežat listtu ja juogat eará klássain geat leat mielde online:s. Klássat fertejit čilget manne sii jáhket dat válljejuvvon dovddus olmmoš lea šaddan dovddusin.

 

Virge tabealla (A TABEALLA JA B TABEALLA)
Virggit			Oahpaheaddji
bohtosat			2

 

C TABEALLA
Riika				Válljejuvvon virggit