Gii-lean-mun?  

Vahkku 1 ja 2

Buresboahtin "Gii Mun Lean?" prošektii! Min vuosttaš bihtás lea sáhka du birra ja gii don leat. Makkár musihkkii don liikot, makkár borramuša borat, oiddot valáštallan suorgi ja asttoáiggi barggut (hobby), oiddot filmmat ja girjjit; buot dát dieđut muitalit olbmui gii don leat. Muhto dieđát go don man dehálaš du namma lea? Jus dus ii livččii namma, movt don de galggat iežat identifiseret? Gii bat don livččet nama haga? Ná han don identifiseret iežat. Nu lea maid movt earát identifiserejit du.

Namma addá midjiide hui erenomáš eallinfámu. Olbmuid gásttanamat sáhttet váikkuhit min olmmošgovvideapmái. Muhtun namat ovttastahtet erenoamáš gova olbmos.

Mii ieža ráhkadit dákkár ovttastusgova iežamet vásáhusaid bokte go gullat dovddus olbmuid historjjálaš nama, girječálli, mythologiijaolbmot geat oidnojit TV:s ja muđuid folklora bokte. Danne leat ge muhtun namat hui bivnnuhat muhtun riikkain. Goarggut dávjá muitalit min máttuid ealáhusa dahje gos lea riegádan ja namain leat iešguđetlágán sisdoallu iešguđet riikkain. Muhtun riikkain, leat mánáin seamma goargu go áhčis: Evans, Sepulveda, Smith dj. Vega. Muhtun eará riikkain atnet fas áhči vuosttas nama goargun: Stefandottir, (Stefana nieida),Jonsson (Joavnna bárdni), Vasilievna (Áhči Vasilij nieida) ja Tokmakov (Tokmaka mánát).

Divaštallangažaldagat

1. Muital iežat luohká/joavkku namaid daid earáide geat leat mielde prošeavttas. Muitalfal iežat skuvlla dj. joavkku nama, galle oahppi, du ruovttubáiki, giláš dj. gávppot ja riika.

2. Makkár namma lea du bearrašis mii lea eanemus bivnnut? Manne son dat lea nu? Naba du skuvllas? Makkár namma lea eanemus bivnnut bárdnemánáin? Naba nieidamánáin? Naba du riikkas? Jus don sáhtášit molsut iežat nama, makkár nama de vállježit?

3. Muhtun gohčostatnamat leat oaniduvvun namat ja muhtun earát leat ráhkaduvvon namat. Lea go dus "gohčostatnamma? Manne son olbmot bardet gohčostatnamaid?

4. Dieđát go don iežat nama oaivila? Dieđát go earáid namaid oaiviliid iežat bearrašis?

5. Jus mánnái bidjet hui guhkes ja váttis nama, de lea mihá váddát dan mánnái oahppat čállit iežas nama. Fuomášat go muhtun dákkár namaid?

6. Lea go dehálaš olbmo namuhit su namain ja dadjat nama riekta? Movt du mielas orru go earát eai čále du nama riekta go atnet elektronalaš gulahallangaskaomiid?

7. Oainnát go don movt okta namma sáhttá muitalit midjiide dan olbmo etnihkalaš duogáža, našunalstáda dj. historjjá?

8. Iešguđetlágán kultuvrrat, gielat, ja osku iešguđet sajiin máilmmis leat dagahan ahte olbmot bidjet ja atnet namaid iešguđet ládje. Du riikkas: Movt de atnibehtet goargguid? Leat go din bearrašis seammalágán goarggut? Eatnis, áhčis ja mánáin?

9. Lea go dus viessoealli? Mii das lea namma? Maid namma máksá? Manne válljejit juste dien nama? Jáhkát go don ahte iešguđetlágán elliin leat erenoamáš namat? Iešguđetlágán namat beatnagiin, bussáin, lottiin ja heasttain?

10. Lávet go don ráhkadit iežat musihka? Mii lea du oiddot musihkka? Manne lea juste diet du oiddot musihkka eará musihka ektui? Gávdnogo sierralágán dánsun musihkka? Dovddat go don ovttage etnihkalaš musihka ja dánsemiid?

11. Gii son du oiddot pop lávlu lea? Manne bat son lea du oiddot? Navddát go su namma lea dagahan su dovddusin?

12. Guhte musihkkajaovku lea du oiddot joavku? Dovddat go nama oaivvila? Jus don livččet lean dán musihkkajoavkku jođiheaddji, makkár nama livččet don bidjan dán jovkui? Manne?

Doaimmat

1. Ráhkat olbmosturrosaš govvamontaše oktan du luohkká ohppiid namaiguin. Sádde dasto gova das du online ustibiidda. Ráhkat fas dasto unnit govvamontaše daid govvain maid du online ustibat leat sádden. Dutkka iežat online ustibiin daid erenoamáš mearkkaid sin namain. Geahččalatta dasto čállit sin namaid.

2. Geahča mat mánnánammagirjji, gávnnat go čilgehusaid iežat ustibiid ja bearrašiid namaide? Sádde iežat luohkká ohppiid nammalisttu oktan čilgehusain online ustibiidda. Siđa dasto sin árvidit guđet leat nieiddaid ja bártniid namat.

3. Jeara muhtun boarraset olbmos bearrašis makkár oiddot namat ledje dalle go son lei mánná, ráhkat dasto listtu dáid namain. Váldde mielde listtu skuvlii ja buohtastahtte otná oiddot namain. Lea go erohusat?

4. Ráhkat sániid iežat ovdabustavain. Tevdnes dasa lassin. Ráhkat web siiddu mas leat du luohkká ovdabustávat ja bivdde online ustibiid oahppaladdat du siidui.

5. Juoge luohká 7 unnit luohkáide. Juohke joavku oažžu ovddasvástádusa muhtun máilmmioasis. Lokalisere dan čieža máilmmioasi stuora kárttas. Atte juohke oahppái joavkkus iežas kárta.Vállje muhtun riikka dan máilmmioasis maid lea dutnje juohkán ja mana dasto Kidlinka Našunal siidui. Iskka lea go oktage dan riikkas registrejuvvon Kidlinkii. Jus lea, merke dan oasi alit K bustávain . Jus ii leat oktage mánná mielde dan riikas, de geahččal čilget iežat jovkui manne son nu lea.

6. Mana dasto RESPONS searcher ja geahččal ohcat dan riikka nama maid leat válljen maŋimus bargobihtás. Geahča buot reivviid mat leat boahtán ohppiin ja leatgo sin namat doppe ja ráhkat listtu.  Nákcet go oaidnit lea go namma nieidda vai bártnáža namma? Mii lea bárdnemáná oiddoleamos namma? Iskka leat go sis viessoeallit. Makkár viessoeallit leat sis? Iskkamat lea go dat oahppi namuhan iežas viessoealli nama. Iskka dasto gii lea sin oiddot lávlunjoavku ja makkár musihkkii sii liikojit ja čále daid namaid. Ráhkat "beavddáža" dáid dieđuiguin mat dus leat: oahppi namma, suorgi, makkár viessoealli ja dan nama, makkár musihkka, sin oiddot lávlunjoavkku nama, jna. Buohtastahtte eará ohppiid joavkkuin ja online ohppiiguin maid sii leat gávdnan.

7. Gažat iežat váhnemiid ja jeara movt dutnje bidje nama. Gii mearridii ja manne? Maid du namma sisttisdoallá ja movt lei mearrádus dahkkun? Lea go ovttasge du fulkkiin seamma namma? Mii lea du nama duogáš historjá? Lea go das makkárge symbola? Naba gávdno go juogalágán miellagiddevaš muitalus dan nama birra? Makkár dovdu lea du váhnemiin du nama ektui? Jus háliidat, bija iežat gova vel mielde jearahallamii ja čájet dan iežat skuvlavieljaide ja oappáide ja sádde e-posta mielde daid eará oasseváldiide geat leat mielde prošeavttas.

8. Jus lea vejolaš, válde mielde iežat oiddot musihkkainstrumenta ja čuojat dan bihtá masa liikot buoremusat. Jus it máhte čuojahit makkárge instrumeantta, váldde lihkká mielde iežat oiddot joavkku báddejuvvon bihttá. Maid mearkaša dát musihkka dutnje? Jus lea lávlla, makkár sisdoallu lea dán lávlagis? Manne lea dát dutnje nu erenoamáš? Jeara iežat online ustibiin makkár oiddot musihkka ja lávlagat sis leat.

9. Máhtát go don makkárge etnihkalaš dánsumiid? Galget go dáid dánsumiidda erenoamáš biktasat? Čájet dáid iežat jovkui ja govve sihke biktasiid ja dánsuma. Bádde dan musihka. Ráhkat websiiddu dáid govain mas leat sihke biktasat ja dánsun mielde. Bija musihkkajiena ja lasit diagrámmaid dánsejeaddjis, sáhtát vel filbmafiila ráhkadit vai buohkat besset oaidnit movt galgá dánset dán musihkkii. Čájet dán siiddu prošeakta oasseváldi ohppiide. Jeara online ustibiin leat go sis dánsumat ja sierralágán biktasat.

10. Čále vástádusa dán jearaldahkii "Gii Lean Mun?. Muital masa liikot ja it liiko ja eará áššiid mat du leat dagahan danin olmmožiin go leat. Vurke dán vástádus diskehttii masa beasat lasihit vel dan golbma Kidlink vástádusa.