Oahpaheaddji Rávvagat

|Hálddašeapmi | Ovdamearkkat | Jurdagat | Kids FAQ | Teacher FAQ |

Dán siiddus gávnnat ávkkálaš evttohusaid vai din oassáladdan min prošeavttas lea váttisvuođaid haga. Jus it gávnna maid ozat ja dárbbašat veahki, de sáddes fal midjiide e-boastta dan čujuhussii mii lea vuollelis.

Luohkkálanja Hálddašeapmi ja e-boastta

Dál go leat searvan Kidlink:i ja oassálattat min prošeavttas, de soaittát imaštallan movt buot dán galggat hálddašit luohkkálanjas.

VEAHKET! Mus ii leat go okta dihtor mu luohkkálanjas!

Sáhtát go oassáladdat jus lea dušše okta dihtor luohkkálanjas? Na movt odne! Fertet gal čehpet lágidit ja plánet áššiid, muhto lea vejolaš. Vaikko din dihtoris ii leat oktavuohta internehttii de sáhttibehtet goitge bargat online prošeavttaid. Dutnje lea dárbbašlaš leat čadnon internehttii juogo dihtoris din skuvllas dahje du ruovttus. Dá leat rávvagat movt sáhtášit hálddašit prošeavtta go lea dušše okta dihtor luohkkálanjas:

• Loga visot mii lea prošeavtta birra ja gease dan čoahkkái ohppiide.
• Ráhkat prošektii čájáhusa luohkkálanjas.
• Ordne saji gosa sáhtát bidjat printejuvvon dieđuid vai buot mánát oidnet.
• Juohke beaivvi bohtet ođđa dieđut boares dieđuid sadjái.
• Ráhkat sierra pearpma (girjji) prošeavtta bostii maid oahppit sáhttet lohkat go astet.
• Oahppit soitet háliidit dahkat leavgga mas lea prošeavtta namma.
• Geahča beaivválaččat leat go ožžon e-boastta ja loga digaštallan jearaldagaid ja vástádusaid luohkkái.
• Digaštallet dáid ovttas luohkás.
• Joavkkuin gávdnet vástádusaid «jurddariđu» bokte.
• Ovttas čállet ovtta vástádusa din luohkás mas leat buot mánáid jurdagat geat oassáladde digaštallamis.
• Bija ovtta oahppi čállit dihtorii din vástádusa (dahje čále ieš, jus háliidat) ja vurke dan teakstagieđahallanfiillas diskehttii.
• Dieđusge sáhttet dis leat eambbo go okta vástádus, jus dis leažža áigi čállit daid din ovtta dihtorii.
• Váldde diskeahta dan dihtorii mii lea čadnon internehttii. Bija diskeahttafiila e-boastta prográmmalásii ja sádde dieđu listserv:ii.
• Go du ohppiid reivviide bohtet vástádusat, juoge buohkaide gáhppálaga vai oidnet ja bija ovtta gáhppálaga diehtotávvalii.

VEAHKET! Mii mannat dušše okte vahkkus dihtorlatnjii, ja dihtorlatnja ii leat čadnon internehttii.

Ohppiin, geat besset atnit dihtorlanja ja čállit dieđuid doppe unnimusat okte vahkkus, lea vejolašvuohta oassálastit oktagaslaččat. Lassin luohkkávástádusaide maid soaitibehtet čállán, de oahppit maid besset čállit iežaset vástádusaid. Vahkkus humat ohppiiguin daid dieđuid birra mat leat boahtán prošeavttas. Oahppit hárjánit digaštallat ja ráhkkanahttit vástádusaid. Go mannet dihtorlatnjii, de sáhttet čállit iežaset dieđuid fiilan maid maŋŋil sáhttá sáddet dihtoris mii lea čadnon internehttii.

....ja juohke stašuvnnas lea oktavuohta Internehttii.

Jus ohppiin lea iežaset e-boasta konto de fertejit searvat listserv:i iežaset kontos. De sáhttet sáddet iežaset digaštallan jearaldagaid vástádusaid ja ohcat www:s juohke stašuvnnas. Eai buot oahppit dárbbaš sierra konto go galget oassálastit prošeavttas. Okta skuvla- dahje oahpaheaddjekonto lea doarvái. Buot prošeaktaboastta sáhttá sáddet ja oažžut ovtta konto bokte.

Bajás

Ovdamearkkat das mii doaibmá

• Movt oažžut ohppiid gulahallat.

Kidlink oahpaheaddjit juogadit strategiijaid mat doibmet sin luohkkálanjain.

Laurie Williams:

Mu ohppiid vuosttaš ruovttubargu lei vástidit 4 KIDLINK Response Jearaldagaid. Dat lea vuogas vuosttaš «čállingeahččaleapmin». Vástidit go sii jearaldagaid olles cealkagiiguin? Vástidit go sii oanehaččat, vai muitaladdet go eambbo? Movt lea sin giella, riektačállin, gaskamearkkaid čállin, čállet go stuora bustávaid gokko galget? Lea go álki lohkat sin čállaga?

Mun logan sin Vástádusa, evttohan gokko sáhtáše eambbo muitalit ja gokko sáhtáše divodit. De váldit Response Jearaldagaid mielde dihtorlatnjii, ja dat lea min vuosttaš dihtorlatnja bargu. Man bures máhttet čállit boallobevddiin? Ipmirdit go sii teakstagieđahallama vuođđojurdagiid?...

Ja de, go lea astu, de oahpahan ovtta oahppi movt vástidit Response Jearaldagaid Web:s (min oktavuohta dohko lea luohkkálanjas). Juohke oahppi oahpaha de nuppi oahppi. Mii sáhttit sáddet 3 dahje 4 dieđu dan áiggis go earát čohkkájit sajiineaset ja barget. Mun «lávejin» ieš sáddet vástádusaid ovdal, muhto liikon addit ohppiide vejolašvuođa «leat oaivámužžan».

Go leat sádden vuosttaš Vástádus čoahki, de juohkigoađán Kidlink «fitnodat goarttaid» ohppiide geat leat sádden vástádusaideaset. Mun anán ráigojuvvon fitnodat goarttaid, ja dábálaččat mun lamineren daid vai bistet.

Dáhton: Borgemánnu, 1997

Mu ohppiin eai leat iežaset e-boasta kontot, sii atnet mu TENET.EDU konto. Mun anán dán konto iežan «skuvlii gullevaš» bostii nu ollu go vejolaš, in ge persovnnlaš bostii, vai mánáide ja váhnemiidda ii leat unohas lohkat/sáddet e-boastta. Nu ahte buot mu KIDPROJ, KIDFORUM, KIDCAFE-SCHOOL boasta ja jođiheddjiid listtut leat dán čujuhusas. Mu váhnemat maiddái atniba dán čujuhusa go váldiba muinna oktavuođa.

Máŋgasis mu ohppiin lea iežaset e-boasta konto, muhto mii eat beasa daidda skuvllas.

Dieđusge mun in atte oktiige iežan konto beassansáni.....ieš mun čálihan iežan sisa ovddemus, ja de oahppit doaimmahit boastta dán rájes.

Min skuvla atná dál dušše ovtta telefovdna linjjá/modema «olles» skuvlii.....

Juste dál leat midjiide mearriduvvon áiggit goas beassat internehttii. Juohke 5.luohkás lea okta diibmu beaivvis......Mus lea 1:30 - 2:30 rádjái. Eará áigi juhkkojuvvo girjerádjosa ja eará oahpaheddjiid gaskkas, vaikko dušše 5 oahpaheaddji skuvllas atnet Interneahta árjjalaččat. Mun lean maŋemus 4 jagis eanemusat atnán Interneahta, go oassálasttán KIDLINK prošeavttain ja telekommunikašuvnnaid dutkamiid geažil mat leat mu luohkkálanjas. Ollu oahpaheaddjit geaidda lea juolluduvvon Interneahtta-áigi, liigudit munnje dan áiggi.

Go mis lea dušše okta dihtor mii lea čadnojuvvon fierpmádahkii (ja dasto modemii), mun ferten lágidit iežan diimmuid nu ahte smávva joavkkut, 2- 3 oahppi, eanemusat 4, barget terminálain oktanis. Mun láven dábálaččat nagodit oažžut ½ luohkás ohcat dieđuid ja guorahallat beaivvis, smávit joavkkuin. Go lea ollu bargu, dahje okta stuora bargu, de 2 joavkku 6 joavkkus besset bargat dihtoriin. Lihkkus máŋggas mu ohppiin besset Internehttii ruovttus, ja nu mii sáhttit digaštallat URL čujuhusaid ja ohcansániid maid sáhttá atnit, ja mánát ohcet web:s ruovttus. Sii juogo:

1. Čálihit daid dieđuid maid gávdnet, dahje
2. Čállet URL čujuhusaid vai besset daid atnit iežaset dihtordiimmuin luohkás, dahje
3. Lohket siidduid ja vurkejit dieđuid diskehttii vai joavkkut sáhttet geahččat siidduid/ čálihit siidduid vaikko guđe dihtoris mii ii leat čadnojuvvon fierbmái.

Chana Besser:

Ná mun bargen njeljiin jearaldagain:

Mun čálihan daid, guođán 1. Jearaldaga ja namaid (golbma jearaldaga). Oahpaheaddji dárbbaša vástádusárkka mas čužžot ohppiid namat.

Dál doalan frontal - diimmu (soaittán doallat čoahkkáigeasu, luohká dási mielde) jearrama birra. De oahppit ožžot earáid vástádusaid gihtii. Sin hástalussan lea jearahallat skuvlaoappáid ja -vieljaid, vai sáhttet árvidit gii čálii guđe vástádusa.

Dás lea áigemearri. Ii sáhte vástidit earágo juo, ii jna. Ii leat vuoiggalaš jearrat: «Manin áiggut šaddat» jna. Eambbo hárjánan luohkáide (eai mu luohkát) sáhttá bidjat njuolggadusa, nu ahte jearaldagat mat jerrojit boasttu vuogi mielde eai vástiduvvo.

Go máŋggas soitet háliidit seamma barggu boahtteáiggis, de fertejit jearahallat gitta leat ožžon rievttes vástádusa buot golmma jearaldahkii.

(Stohkosa maŋŋil.....)

Stoahkat «njealji jearaldaga» manai bures. Dá leat mu rávvagat earáide

• Lea rievtti mielde «okta-jearaldat»-stoagus, dahje «Manin áiggut šaddat go stuorut»-stoagus. Ii oktage atnán duon guovtti eará jearaldaga earret go jearahalle ovtta gii áiggui šaddat oahpaheaddjin, ja ledje njeallje eará geat háliidedje šaddat oahpaheaddjin. De jerre viidáseappot: «Movt háliidat ahte máilbmi galggašii rievdat?».
• Juoge sin iežaset vástádusaid juohke oahppái ovdal stoahkagohtet. Muhtumat mu ohppiin ledje vajálduhttán maid ledje čállán. (Nuorat dávjá rievdadallet oaiviliiddiset das manin áigot šaddat go sturrot).
• Váldde mielde vástidanbáhpiriid. Moadde oahppi eai lean bargan bihtá, ja hello go sin vástádusat eai lean mielde stohkosis.

Oahppit liikoje hirbmadit stohkosii. Dan gal ávžžuhan stoahkat.

Patti Weeg:

• Movttiidahtte ohppiid doallat KIDLINK-pearpma masa bidjet iežaset e-boasttaid.
• Atte ohppiide kártta (álkes árkkat) dain riikkain gos sin boallobeavde-olbmát orrot, ja siđa sin merket gávpogiid kártii. Gávnna guhkkodat- ja govdodatcehkiid. GMT-faktor.
• Siđa ohppiid bidjat leavggaid stuora seaidnekártii, mas lea olles máilbmi, vai gávdnet iežaset boallobeavde-ustibiid. Somá.

Bajás

Oahpaheddjiid ja nuoraid jurdagat

Oahpaheaddjit sáddeje čuovvovaš jurdagiid maŋŋil «Through our Eyes» (Movt mii oaidnit) prošeavtta, mas Kidlink ohppiid luohkát čálle ovttas stiilla erenoamáš saji birra gos orrot.

Regina Royer:

Ovttasbargat lei mu mielas váddáseamus oassi doaimmas, muhto lei maiddái riggodahtti. Mun doaivvun ohppiide lei buorrin mannat čállinproseassa čađa njálmmálaččat go de besse gullat eará čálliid jurdagiid. Joavku digaštalai juohke cealkaga ja oahppit besse gullat máŋga vuogi movt guđege cealkaga lei sáhttit čállit. De sii šadde mearridit guhte vuohki lei buoremus. Mun jáhkán dát lei buorrin ohppiide go sii ohppe ahte ii buoremus boađus boađe vuosttaš čállimis, muhto go divoda álgočállosa. Mun sávan du luohkkái maid lea buorrin čállit stiilla.

Lynne Sueka:

Dán jagi mu oahppit ja mun oassálastiimet «Movt mii oaidnit» prošeavttas ja dat heivii bures min oahppoplánii. Go prošeakta jođiheaddji, Regina Boyer, lei jagi álggus dieđihan midjiide prošeavtta njuolggadusaid de lei álki heivehit loahpalaš čállima ráhkkaneami čállindáiddu ja servodatfága oahppoplánaide. Čállindáiddus mii guorahalaimet buori govvideami, govahalli veardádusaid, ovda-čállin teknihkaid. Mii barggaimet divttaiguin min «erenoamáš sajiid» birra álggus jagi. Servodatfágas mii oahpaimet servodagaid ja daid birrasiid birra ja olbmuid ja sajiid gaskavuođaid birra. Ja de, go eará oasseváldi skuvllat sáddeje iežaset stiillaid listui, mii geahčadeimmet eará čállosiid ovdamearkan makkár stilla mii galggaimet čállit :-)

Mánát ledje hui movttegat dainna čállosiin maid loahpalaččat čálle ja sis leat ain dat čállingálggat maid ohppe ja sii geavahit daid gálggaid eará bargguin maid

:-)

Okta dain dehálaččamus áššiin mat dagahedje ahte prošeakta lihkostuvai, lea mu mielas go Reginas čađat lei oktavuohta minguin.....álggos son attii midjiide ollislaš gova prošeavttas ja moadde rávvaga movt lágidit čállinproseassa. Dasto son juohke moatti vahkkus dieđihii maid eará oasseváldi skuvllat barge, ja dat muitalii midjiide man viidát prošeakta manai. Ja son várrogasat muittuhii midjiide ahte almmuhanáigi lahkonii :-)

Joyce Burtch:

Movt mii oaidnit - Dán prošeavtta bargen dušše iežan bajitdási eŋgelas luohkáin ja dat lei váttis muhto hui ábas. Lei vuosttaš geardi go oahppit ovttasbarge čállimis, ja nu lei munnje ge. Mii logaimet eará stiillaid mat bohte listui, ja plániimet movt ieža galggašeimmet čállit. Mii digaštalaimet giellagovaid geavaheami ja adjektiivvaid mat guoskkahit dovdagiid. Go manaimet geahččat iežamet saji, de oahppit eambbo fuomáše maid sin dovdagat muitaledje ja dat bođii ovdan sin čállosiin. Ieš čállinproseassa šattai váttisin. Oahppit digaštalle juohke sáni nalde. Dávjá šadde jienastit guhte dadjanvuohkái oahppit liikoje buoremusat. Dasa manai ollu áigi ja mun in gal ná barggaše dán mađe stuora joavkkuin (23) in ge dán dásis go oahppit ledje. Prošeakta lei dattetge buohkaide buorrin ja muitalus lea dal min web-sajis. Mun dieđán ahte ohppiide šaddá somá oaidnit muitalusa dan bláđis maid ožžon odne maŋŋelgaskabeaivvi. Mun jáhkán ahte oahppit bohtet guhká dovdat rámi go oassálaste dán prošeavttas.

KIDLINK Nuorra muitala

Robbert Uittenbroek, njukčamánnu 1998 (Nederlánddas)

KIDLINK attii munnje vejolašvuođa ovdánit! Šaddat veahá eanebun, bargat eambbo, dovdot máilmmis, leat muhtun, mearkkašit juoidá. Ja somá lea go in bargan dán okto! Hannah oaččui mu ruovttoluotta KIDLINK:i, Tryggvi ja Ingimar veahkeheigga mu, Bonnie oaččui mu dovdat iežan divrrasin ja ....buot eará olbmot, dagahe ahte mun jotken!

KIDLINK lea sadji gos mearkkašat juoidá, dovdot máilmmis. Beasat humadit nu ollu olbmuiguin, iešguđet kultuvrrat, boahtteáiggi oainnut, eallinvuogit. Fierpmis sáhtát gávdnat vaikko man ollu dieđuid...Nu lea maid KIDLINK:s. Lea «nu ollu» maid sáhttit oahppat guhtet guimmiineamet.....eai dušše mánát, maiddái rávisolbmot sáhttet oahppat dás. Okta mu mihtuin lea dahkat máilmmi buoret báikin.....gávdnojit ollu (veadjemeahttun) vuogit movt dan dahkat.....KIDLINK addá dutnje vejolašvuođa dahkat dán buori, vejolaš vugiin. Oahppat guhtet guimmiineamet lea movt buot álgá. Go sáhttit ipmirdit, ákkastallat, veahkehit ja oahppat guhtet guimmiineamet lea lávki ovddosguvlui dahkamis máilmmi buoret báikin...buoret báikin gos orrut, suohttáseabbon!

KIDLINK lea sátni. DON dagat dan duohtan! DON attát dasa mearkkašumi. Go leat dás, háliidat oahppat.....háliidat oaidnit....dat mearkkaša juoidá..... KIDLINK ii leat dušše muhtun organisašuvdna....Min mihttu ii leat diinet ruđa ...Min mihttu ii leat oažžut fámu iige maidege nie ... Min mihttu lea mearkkašit juoidá máilmmis ...Addit olbmuide vejolašvuođa humadit.... gulahallat ...rievdadit máilmmi.

(Robberta ollislaš árvosáhka Kidlink:i - čáppa reive!) 

Kidlink ollu prošeavttaid, fáttáid ja oahppi doaimmaid sáhttá atnit dievasmahttit oahppoplánaid. Čoahkkáigeassu:

/english/general/curric.html

čájeha movt min doaimmaid sáhttá váldit mielde luohkkálatnja diimmuide.

Bajás