Gii-Lean-Mun? prográmma: Duogašdieđut  

Kidlink lea ollu bargan Oahppoprográmmaiguin mat movttiidahttet ohppiid čállit ja oahppat. Prográmma lea bures ovdánan bargovuohki máid min oahpaheaddjit leat geavahan luohkkálanjain 1990 rájes. Mii diehtit ahte dat doaibmá!

Gii-Lean-Mun? prográmmas lea ođas ahte mii leat válljen min eanemusat lihkostuvvan prošeavttaid ja doaimmaid, ovttastahttán daid ollislaš, máŋggagielalaš prográmman ja heivehan dan oahpaheddjiide.

Prográmma lea hábmejuvvon veahkehit suodjalit oassálasti gielaid ja kultuvrraid, movttiidahttit ohppiid ovttasbargat go juogadit kultuvrralaš dieđuid, ja oažžut ustibiid miehtá kontineantta.

Oassálastin lea nuvttá sihke dutnje ja du luohkkái.

Movt prográmma doaibmá siskkáldasat

Kidlink:a čujuhuslisttut leat váldo gulahallangaskaoamit, ja daidda lea lassin Kidlink:a priváhta ságastanfierpmádat. Oasseváldi oahpaheaddjit koordinerejit iežaset barggu kidleader-saami bokte. Oahppit dorjot ja dievasmahttet prográmmahumademiid go ásahit multimedia web-siidduid dán sadjái: www.kidlink.org.

Prográmma lea jorgaluvvot eŋgelasgielas buot gielaide mat virggálaččat oassálastet das: Moduliid čilgemat; Oahpaheaddjerávvagat; Bargobihtát; Luottat veahkkegálduide; Modul bagadusat, Vástádusat Jearaldagaide Mat Dávjá Jerrojuvvojit (FAQ). Gielat mat virggálaččat leat mielde prográmmas leat gielat maid báikkálaš oahpahuseiseválddit dorjot.

Oktiiheiveheapmi ja doarjun

Gii-lean-mun? prográmma leat hárjánan Kidlink oahpaheaddjit ovdánahttán. Kidlinkarat oktiiheivehallet prográmma áigeplána giellabiiriid gaskkas ja lágidit oahpaheaddjedoarjaga. Sii dovdet Kidlink:a siskkáldas huksehusa, leat hárjánan fáttáin bargat iežaset luohkkálanjain, ja dihtet movt galgá olbmuiguin bargat máŋggakultuvrralaš birrasis.

Juohke virggálaš giellabiires lea giellaheiveheaddji. Dát olmmoš bargá njuolga oahpaheddjiiguin nu guhkágo prográmma bistá, son veahkeha ja bagadallá sin.

Fertengo leat mielde gávcci mánu?

It. Sáhtát oassálastit ohppiiguin olles prográmmas dahje dušše moatti válljejuvvon modulas. Dattetge fertejit buot du oahppit ollašuhttit Modul 1 vuosttaš oasi (Gii lean mun?) ovdalgo sáhttet álgit. (Fuomáš ahte dán doaimma sáhttá váldit Kidlink Vástádus bálvalusa bokte, beroškeahttá dábálaš doaimma mannolagas.)

Du luohkká sáhttá oassálastit eará gielaiguin go iežaset gielain. Mii movttiidahttit searvat doaimmaide main oktanis adnojuvvojit iešguđet gielat.

Oahppat bargoskihppáriin

Lea ábas bargat strukturerejuvvon prográmmas ovttas ollu eará skuvllaiguin miehtá máilmmi, go beassá fierpmádagas bargat bargoskihppáriiguin Kidlink:a "oahpaheaddjelanjaid" bokte.
Doppe sáhttet ovttadássásaš oahpaheaddjit, geat barget seammá áššiiguin luohkkálanjas, álkit hálddašit vásihusaid ja vástádusaid mat leat veahkkin jearaldagaide. Máŋgasiidda dáidet persovnnalaš oktavuođat ja ustitvuođat oahpaheddjiiguin geain lea seammasullasaš duogáš, leat ávkkálaččat guhká maŋŋelii go Kidlink prográmma lea loahpahuvvon.

Dan sadjái go geahččalit oažžut ipmárdusa 1 000 girjemearkkas world wide web:s, de lea dá  prográmma mii fállá dutnje dieđuid modulaid mielde maid lea álki doallat čorgasin. Čielggas. Áigeguovdil. Oanehaš. Go deattuhat oktasaš mihtuid ja geavahat vuogi mii lea čájehuvvon ahte doaibmá, de sáhttet gelddolaš áššit dáhpáhuvvat du luohkkálanjas.

Du oahppit bohtet liikot dasa. Gii-lean-mun? prográmma han lea heivehuvvon sidjiide.