Vika 5 og 6

Velkomin í þriðja verkefni áætlunarinnar Hver er ég! Í þetta sinn lærum við um framtíðarsýn þína, framtíðarsýn af betri heimi fyrir allar lifandi verur. Börn eru fær um að sjá miklu stærri sýnir en nokkur fullorðinn. Þau eru ekki haldin þeim fordómum og þeim ótta sem fullorðnum ávinnast með árunum. Horfðu í kringum þig, líkar þér það sem fyrir augu ber? Hvernig mundir þú fara að því að bæta ástandið örlítið?

Hvernig vilt þú að heimurinn verði þegar þú verðir eldri? Á tíu til fimmtán árum tekur heimurinn mörgum breytingum, til góðs og ills. Í alheimssamfélaginu verðum við að huga að velferð manna alls staðar í heiminum. Til eru tvenns konar breytingar: Af náttúrunnar völdum og af manna völdum.

Breytingar af náttúrunnar völdum verða vegna t.d. jarðskjálfta, fellibylja og fárviðris. Tunglið veldur sjávarföllum, og hringferð jarðar um sólu færir okkur árstíðirnar. Menn geta snúið breytingum til hins betra eða til hins verra.

Hvaða sýn hefur þú um betri heim? Hver er draumur þinn?

Til umræðu:

  1. Meginatvinnan í borg eða landi fer eftir þeim starfsgreinum og þeim hráefnum sem nóg er af þar. Sú er ástæðan fyrir því að finna í framleiðsluiðnaði er mjög algeng sums staðar en landbúnaður er helsta tekjulindin annars staðar. Hver er mikilvægasta tekjulindin í samfélagi þínu? Í þorpi þínu? Í landi þínu? Hver eru að þínu mati áhrif þessarar vinnu á heilbrigði íbúanna? Spillir vinna af þessu tagi umhverfinu?
  2. Hvað er iðnaðarríki? Er endilega velmegun samfara því að vera iðnaðarríki? Hverjar eru hætturnar af völdum iðnaðar fyrir umhverfið?
  3. Það er ekki á valdi manna eða vísinda að stöðva eldfjall, fellibyl, jarðskjálfta eða fárviðri. Náttúran er vitur og allt hefur sinn tilgang. Þessar svonefndu “náttúruhamfarir" valda breytingum sem við ráðum alls ekki við. Nefndu nokkrar. Hefur þú sjálf(ur) orðið vitni að eldsumbrotum, fellibyl eða jarðskjálfta?
  4. Framfarir hafa gefið okkur ný lyf sem eru nauðsynleg til að lækna nýja sjúkdóma. Er fólk heilbrigðara nú um stundir en fyrir hundrað árum? Veita framfarirnar meiri hamingju? Hvers vegna fáum við nýja sjúkdóma?
  5. Á stundum eru fullorðnir svo uppteknir að þeir eru ekki í stakk búnir til að njóta þess sem lífið hefur upp á að bjóða. Mestu ánægjustundir lífsins eru mönnum algjörlega að kostnaðarlausu. Nefndu fáeinar? Hvernig farið þið í fjölkskyldu þinni að því að njóta lífsins?
  6. “Nágrannarnir eru okkar nánasta fjölskylda." Í þessum orðum felst að við eigum að leitast við að hafa góð tengsl við nágranna okkar. Við getum hjálpast að ef neyðartilvik kemur upp. Hverju fleira geturðu bætt við kosti þess að vera “góðir nágrannar"? Ríki hafa líka nágranna. Hvernig geta ríki verið “góðir nágrannar"?
  7. Fólk hefur mismunandi litarhætti og lögun. Ímyndaðu þér að í heiminum væru milljónir manna sem allir litu eins út! Ef við værum öll eins í útliti hvernig ættum við þá að þekkja hvert annað? Munurinn er það sem gerir hvert og eitt okkar að einhverju sérstöku. Jafnvel tvíburar eru ekki nákvæmlega eins. Innra með okkur erum við líka ólík. Hvernig lýsir þú sjálfri/sjálfum þér? Hvaða einkenni hjá þér líkar þér vel við? Hvaða einkenni besta vinar þíns/bestu vinkonu þinnar?
  8. Skoðanir okkar geta verið sterkar og mismunandi. Jafnvel í sömu fjölskyldunni eru mismunandi skoðanir. Hvernig leysið þið úr ágreiningi ef þið eru á öndverðum meiði innbyrðis í þinni fjölskyldu?

Verkefni:

  1. Að hverju beinast mestu áhyggjur nemenda í bekknum þínum? Stríðsátökum, eiturlyfjum, ofbeldi, umhverfismálum, fordómum eða öðru? Leitaðu í RESPONSE til að sjá hvernig börnin hafa svarað þriðju Kidlink-spurningunni. Af þeirra svörum má ráða hvað veldur börnum áhyggjum annars staðar í heiminum. Til dæmis: eiturlyf, umhverfismál, fordómar o.fl. (Þú getur valið sömu löndin og þú valdir í síðasta verkefni.) Settu niðurstöðurnar upp í dálka. Hvert er helsta áhyggjuefni barnanna í hverju landi sem valið er? Geturðu útskýrt niðurstöðurnar? Biddu nemendurna sem þátt taka í verkefninu að vinna þetta verkefni og senda niðurstöðurnar í tölvupósti á listann.
  2. Ef þú ímyndar þér að þú getir breytt því sem þú vilt breyta, hverju mundirðu þá breyta? Semdu ritgerð þar sem þú úskýrir hvað það er sem veldur þér áhyggjum varðandi fjölskyldu þína, skólann þinn og landið þitt nú og hvernig þú vildir helst sjá þessi atriði í framtíðinni. Sendu ritgerðina á listann svo að aðrir nemendur í verkefninu geti lesið um hugmyndir þínar.
  3. Ímyndaðu þér landið þitt árið 2098. Semdu stutta sögu þar sem þú lýsir einhverju í samfélaginu þínu árið 2098 eins og þú ímyndar þér það. Skreyttu söguna með líflegum titli. Gerið vefsíðu þar sem þið birtið sögur allra í bekknum. Bætið við myndum. Sendið slóð vefsíðunnar til annarra þátttakenda í WAI-áætluninni.
  4. Semde lista yfir fræga einstaklinga sem hafa látið eitthvað af sér leiða (gott eða illt) sem með einhverjum hefur breytt heiminum í þá veru sem hann er nú. Veljið einstakling. Gerðu veggspjald um einstaklinginn þar sem þú útskýrir: Hvað gerði þessi einstaklingur sem gerði hann/hana fræga(n)? Hvers vegna telurðu að aðrir muni eftir þessum einstaklingi? Bættu við myndum af og frásögnum um einstaklinginn og fleygum orðum eftir hann. Gerið vefsíðu þar sem þið notið veggspjöldin sem þið gerðuð í bekknum. Biðjið nemendur sem þátt taka í verkefninu að gera slíkt hið sama. Gaumgæfið það fræga fólk sem þau völdu. Gerið lista yfir sérkenni sem finna má hjá öllu fræga fólkinu sem var athugað.
  5. Gerðu vefsíðu með ljósmyndum af stöðum í landi þínu sem þér er í mun að vernda. Skipuleggðu ljósmyndunarferð til nokkurra þessara staða með vinum þínum. Bjóddu öðrum þátttakendum í verkefninu að líta að vefsíðu þína.
  6. Teiknaðu mynd sem lýsir framtíðarsýn þinni um betri heim. Sendu myndina í tölvupósti til netfélaga þinna og biddu þá að gera eins fyrir þig. Prentaðu og merktu myndirnar með nafni og landi hvers myndsmiðs. Hannið risastórt veggspjald þar sem þið komið fyrir útprentunum af öllum myndum.
  7. Svaraðu spurniningunni “Hvernig vil ég að heimurinn verði betri þegar ég verð eldri?". Bættu þessum svörum við svörin við spurningunum í hinum tveim verkefnunum.

http://www.kidlink.org/ | Hver er ég? Valmynd |

Áfangi saminn af Esperanza Sepulveda - Höfundarréttur 1998 Kidlink Öll réttindi áskilin.