Por Hildur A. Magnúsdóttir, Islandia

Estudiantes de Fresno, USA (2002)

Taqi jiwasanakaxa janiwa pachpana yatiqtanti. Pachp isch'ukisksna, uñch'ukiskaraksna janiwa ukjamasa pachpakiti. Taqi ukanakata yaqha kastanaka yatiqaña. Jumaxa sapxita kawkinsa, kunjamsa yatiqta. Jutiri pä simanaxa kunjamasa yatiqiriñaxa uka uñjañani. 

1. Kawkinsa, kunjamsa yatiqta uka sapxita. Chaqt'anaka parlasa uñicht'ayañani. ¿Jumatakixa kunasa wali askipacha yatiqañaxa? 
2. ¿Yatiña utaru sartati? ¿Jupata kunsa lup'ta? ¿Askiti? ¿Jumatakixa suma yatiña qatuqaskpachata? 
3. ¿Qhawqha pachasa uruna, ukata simanana qhawqha urunakasa yatiqaskta? ¿Yatiqaña maraxa qhawqha pachasa? ¿Kuna phaxsinsa yatiqañaxa qallti ukata kuna phaxsinsa tukuyi? 
4. ¿Jumatakixa kawkiri pachasa yatiqawina wali munata? ¿Kunatsa munta? 
5. ¿Jumana yatiqañamatakixa ajllipki ukaxa askiti? ¿Jumatakixa waliti ajlliwayapxpacha jani ukaxa yapt'añapachacha? ¿Jumaxa sumaptayasmati? 
6. ¿Marpachana taqpacha yatiqirinakana ch'ama yant'anaka atipañataki utjiti? Kunjamsa ukanakaxa apasi. 
7. ¿Yatiña utasana, yaqha lurawinakaxa yatiqaña utjiti? ¿Kunasa ukanakaxa? ¿Jumaxa ukanakaru manttati?
8. ¿Yatiqawinkayata ukjaxa, kawkiri amtanakasa wali kusisiytama? 
9. ¿Anqana kunsa yatiqta? ¿Qamawimana mayni yatiqañatakixa utjiti? ¿Masinaka, jilanaka, kullakanaka, achilanaka, qulintantinaka?
10. 0¿Jumaxa uraqita yatiqtati? ¿Uywanakatsti? ¿Chaqt'anakata? ¿Jumatakixa qamaskta ukjana askiti yatiqawimatakixa? 
11. Yatiqawisana kawkiri pachasa jumaru alayaru mistuytama. 
12. ¿Yatiqawimana jumaxa jach'ajata ukjatakixa kunañasa munta ukanaka uñjtati? 
13. ¿Kunjamsa qamawimatakixa yatichapxpachatama? ¿Yaqha chaqt'ana jakasma ukjaxa yaqhasmati? ¿Yaqha markansti? ¿Yaqha chaqt'ana markapachpamata?
14. ¿Aka pachaxs mayxt'aytamti? ¿Yuwanisaxa thayacha junt'ucha? ¿Jalluñapatakixa qinayanaka uñch'ukisaxa yatismati? 
15. ¿Yuwanisana jichhapachaxa kuna urasasa qhanxti, arumthapiraki? ¿Kunanakasa jallupachana, juyphipachana utji? 
16. ¿Yuwanisana jak'ana kuna jani wali uywanakasa utji? ¿Jach'a markamansti? ¿Jumatakixa jak'ankañapaxa kunsa saña muni? ¿Uywa munatamaxa utijiti? ¿Kunanaksa yatichapxpacha?

Lurawinaka

1. Simanata mä uru ajllima ukata kunanakasa mä hurana utjki uk qillqañani jani armasiñamataki. Yatiqaña urasax kawkinktasa, kunanaksa lurta ukjamaraki chuymamana lup'iwinakapa qillqañani. Wali kusa yatiqasipksta ukjaxa kunatsa wali kusisiyistu uka sapxañani. Jayp'untki ukjaxa chuymamana lup'iwinakapa jani kunsa armasisa, parlasa uñcht'ayañani. Kidlink masinakaxa kunjamsa A Kidlink Day ukaruxa jakawinakapata qillqt'awayapxi.
2. Jach'a yatiqawinkapki uka masinakamampi jani armasiña qillqatanakama chikayañani. ¿Kuna yatiyawsa suma chikayasma? Mä jat'ucha kawkiri jiskt'anaksa kutiyata uñjaña munsna uka lurañani, akanaka uñjapxañani:
   •  
   • ¿Aka uraqina yatiqaña utaru taqpacha yatiqirinakata pachpa uranaka sarapxpacha? ¿Marpachana yatiqaña utana yaqhipa yatiqirinakaxa juk'amppacha sariri utjpachati? ¿Kunjamsa aka jiskt'aru kutiyanaka yatisma? 
   • ¿Yatiqaña utamana pachpa marana yatiqiri masinakamaru kawkiri yatiqawinaksa juk'ampi munapxi uka utjiti? ¿Kawkirinakasa?
   • ¿Khitinakasa, imilla, yuqalla wawanakacha juk'ampi yatiqawinakapa qillqapxpacha? ¿Kunjamsa aka jiskt'aru kutiyasma?
   • Jamuqanakasa lurkta uka uñjañani ukata jiskt'anakamaru tukuyañanaka qillqt'añani. ¿Aka kutiyanakta suyayäta? 
3. Sich'i jamuqanaka, jamuqampi, yatiyawinaka jiqhatkta ukampi lurañani. 
4. Yatiqta uka chaqt'anakata mä jamuqa lurañani. Yatiña utaspawa, ikiña uta, anqata mä chaqt'a jani ukaxa yaqha chaqt'ana yatiqta ukja. Argentina markana mä uta yatiqawiparuwa aka jamuqa anatawinakata uñicht'ayañani. 

5. Kidlink IRC ukana mä jikisiwi yaqha yatiqirinakampi lurañani ukata yatiqawinakata ch'axwapxañani. Qillqatanakasa junt'ucha thayacha uka chikayañani, kunanaksa yatichapxañani, kunanaksa yatiqapxtana uka. 
6. Mä jat'ucha kunjamanisa jaya yatiqawinakaxa uka lurañani. Aka jach'a yatiqawinkapki uka yatiqirinakaru mä laphiru qillqt'añani kunjamsa taqpacha jakawisana yatiqkata uka. ¿Kuna kasta yatiqañsa apnaqtana? ¿Aka yatiqawiru yatiyawi luririnakaxa (yatiyawi qillqata, TV, ist'aña yatiyawi, Internet, etc.) yatiqaskañatakixa yanapt'aniti? Yaqha yatiyawi luririnakaru kunanakasa wali askini uka parlasa yatiyañani. Internet ukankapkchi ukjaxa mä jiska qillqata correo electronico ukampi jani ukaxa, (link) ukaru apayañani tumpt'añapxañapataki.