Waliki jutapxtana aka jach'a yatiqawisaruxa aka taqpacha
jach'a yuwanisana pä simanaru tukuyasinxa. "Internauta" masinakamampi
waliki kusist'awayapxtana ukata ukjamaraki jiwasampi jutiri jach'a yatiqawiru
mayacht'asisna, akxama sutinchata "¿Kunanakasa lurañajaxa ?"
Aka chaqt'ata, kunanakasa nayratpacha lurasinxa ukanakawa wali suma uñtayi
taqi akanakawa maynirinakampi uñjasa amuyt'añani. Aka urasaxa
wali askiwa, kunatixa jumampi,nayampiwa kutiyanaka yatiqawisampi
turkañani.
Jiwasatakixa kunanakati wali aski ukanaka ch'axwasipktana uka ratuxa
jiwasaxa juk'ampi pachpa jakawi uñjapxañani jani walinakaxa
juk'akiwa, ¿chiqacha janicha? Janiwa qamawisaxjamaxa utjkiti, ukana
wali suma chaqt'anakawa jumampi uñjañataki itjki. Akjama lurasaxa
taqiniwa qamiriptañani. Taqpacha jach'a yuwanisana sapa jaqisa, sapa
chaqt'asa wali uñkatatawa. Niyaki jilxtana ukjawa taqi kunanakati,
churawayäpxistu ukanaka wali munastana. Jiwasa tuquru jutapxpana, aka
quturu mantañani ukata phunchañani! Paya yatiqawina yatiqawi
utasaxa aka uraqina taqi kasta manq'anaka utjki, ukata mä
phunchawi luraña amtañani.
Aruskipawi
jiskt'anaka
-
¿Markamana sutipaxa kunsa saña muni uka yattati? ¿Kunatsa
uka sutinipxi? ¿Sutinakapapiniñapati? ¿Kunata?
-
¿Mayniti suma parlañaxa kunsa saña muni? ¿Jani wali
jumata parlapxi ukjaxa jumaxa kunjamsa uñjasta?
-
¿Yaqha markata wawanakaruxa kunjamsa yuwanisana qatuqasi?
-
¿Markamaxa jani ukaxa yuwanisaxa nayra siwsawinakaniti? ¿Maysa
uñt'tati? Qutu yatiqawimaru parlasa yatiyañani.
-
¿Markamana kunsa saña muni imilla yuqalla wawañaxa?
¿Imilla, yuqalla wawankana amuyunakapaxa mayjati janicha? ¿Sapa
maynitakixa yaqha sarnakawi utjiti? ¿Jumatakixa markamana wali askiti
taqinina pachapañapaxa? ¿Yaqha markanaka uñt'tati kawkinti
pachpañaxa suma sarpacha?
-
¿Kunakasa esteriotipos ukaxa? ¿Kunsa jumaxa nayra sarnaqawinakata
sasma? ¿Qamawimana yaqha chaqt'anakata mayja estereotipos utjpachati?
¿kunata?
-
¿Yuwanisana jani wali amuyunakaxa utjpachati? ¿Kunjamsa jani wali
amuyunaka sañani? Jani wali amuyunakasa utjistuti jania ukaxa
uñjawaytacha taqi ukanaka
amuyt'apxañani.
-
¿Jaqixa jumaru kunjamati parlkta jani ukaxa isiskta ukanaka
uñch'ukpachatamti?
-
Awisaxa uraqiruxa "Taqpacha kumuna" ukjama sutichtana. ¿Kunatsa jaqixa
ukjama parlpacha? ¿Ukjamapiniti parlañapxpacha? ¿kunata?
-
Taqpacha kumunana jaqinakaxa taqi kasta lup'iwinakaniwa ukjamasa
ch'axwapxarakiwa. ¿Kunjamsa taqi kasta lup'iwinakaxa suma
sarañapatakixa amuyt'sna?
-
Jisk'a marka phisqa jaqitaki yaqha markanakankiripki jupanakataki kunjamsa
lurañaspa uka amuyt'añani. Uka markanaka, markamampacha
chhijllañani. ¿Kunjamsa yaqha arunisaxa parlapxañani?
¿Sarawinakapampixa kunakasa utjpachani?
-
Machaqa markataki chhixllapxirisma ukata mä suti ajlliraksna ukjaxa
kunjamsa amuyasisma. ¿Kuna sutsa uskuta? Ukata, jumawa taqi
kunaniñapataki uñjañamaxa. Uka chaqt'ankirinakata jani
armasimti. ¿Mayja jakawinakanipxiti?
-
¿Uka markana kunjamsa jaqixa jakañataki irnaqañani?
¿Taqinitakiti irnaqañaxa utji? ¿Ukan qhawqhanisa jakapxi?
¿Mä markana kunanakati luraña ukanaka lurapxaspati taqi
irnaqañankapxaspa ukjaxa? ¿Yaqha markanakaxa irnaqawinakatakixa
askiti?
-
¿Markamana kuna kasta antawinaksa utjpacha? ¿Kuna kasta yatiqaña,
yatichawisa utji? Amtama jutiri jach'a jaqinakaxa kunjamati taqi kasta yatiqawi
qatuqawayapxi ukjamaruwa amuyapxani.
-
¿Kunatsa jani pachpa aru parlapxañapataki, yant'ta? ¿Mä
markaru kuna walinaksa, jani walinaksa phisqha aru parlañaxa apaypacha?
¿Yuwanina uka phisqha arunakata parlasmati jani ukaxa yaqha arucha taqinina
parlañapataki uñstayasma? ¿Kunjamsa jaqinakaru pachpa
aru parlañapatakixa parlsna? ¿Akaxa wali askiti? ¿Nayra
sarnaqawinakata uñt'tati aka suma sarañapataki?
-
Markamana nayra isinakapa parlasa uñicht'ayañani. ¿Kunurusa
uskusipxi?
Lurawinaka
-
Yuwanisata mä chapara aruxa kunjamasa, uka sapxita. Jumasa qillqarakismawa,
ukata yuwanisata ukjamaraki yaqha chapara arunakampi uñt'ayasma.
Yuwanisata mä q'uchu web laphiru uskusma jat'ucha midir uñtata
yaqhanakaru yatiyañataki.
-
Yuwanisata mayniriru jiskt'ana kunjamasa nayra pachaxa jupaxa jumjama maranikana
ukja. ¿Jichhaxa kunjamasa jakawixa? ¿Kuna yatiqawinaksa chikayasma?
¿Jumaxa kunsa jani ukjamañapa munkasmanti? ¿Kunsa jumatakixa
juk'ampi sumaru sarañapaxa?
-
¿Anatawinaka?
-
¿Isinaka?
-
¿Qhawqhanakasa?
-
¿Jallallt'awi?
-
¿K'anasiñanaka?
-
¿Kunjamasa tatanakaxa wawankapampi apasiñapa?
-
...Yaqha yatiñanaka chikayarakismawa.
-
Taqi kasta anataña wawanaka lurañani mä kusisiwa jupanakampi
lurañataki. Kunakasa achachilamana jakawipata jichha jakawimpi
mayxt'atayna uka chikayañani. Kimsa yatiqawina taqi yatiyawinaka
jiqhatawayta ukanaka jisk'a anataña wawanakampi yaqhanakaru
uñjayañani.
-
¿Markamana nayra phunchawinakapa utjiti? ¿Kunjamanakasa, kunatsa
phunchapxi? ¿Mä jach'a uru utjiti? ¿Kunasa amtasi? ¿Askiti?
¿Uka urunakjama juk'ampi utjañapa munasmati jani ukaxa janicha?
Aka jach'a yatiqawinkapki jupanakaru nayra phunchawinakama utjkana ukanaka
parlasa uñicht'ayañani. Kidlink ukana
Multi-Cultural Calendario jumana marpachana ayllumana
kunati nayra pachanakatpacha lurasi uk uskuñani
-
Machaqa yatiqawi utaru yaqha markata yatiqiri puririti, mä jisk'a siwsawi
qillqt'añani. Jumaxa chuymama manqhatpacha qillqt'añani kunati
machaqa yatiqirixa janiwa jani walt'asiñapataki.
-
Kidlink MUSH ukana yaqha yatiqirinaka jumaru
uñt'añapataki mä laphi web lurañani. Uka laphixa
kunjamati munasma ukjamañapawa jumana utama, markama taqi
ukanakaniñapawa.
-
Web mä laphi machaqa markasataki lurañani. ¿Internet ukana
kunjamasa uñicht'ayaña munasma? Red uka marka lurkta jaqinakaru
tumpt'aña mayismawa, ukata mä pankaru tumpt'irinakata jani ukaxa
mä jat'uchsa amuyunakapa taqi ukanakata qillqañataki.
-
Machaqa markamataki yaqha kasta isisiña lurañani, ukata web
laphipana uñicht'ayañani aka jach'a yatiqawinkapki taqi jupanakaru
apayañani.
-
¿Markamataki yaqha aru uñstaytati? Jisk'a qutu arunakata mä
panka lurañani ukata correo electro ukaru (e-mail) taqpacha jach'a
ayllunkiri wawanakaru apayañani.
-
'Alphabet Book' ukaru apayañatakixa mä jisk'a qutu arunakata
sapa qillqataki jamuqanakampi lurañani ukata Kidlink "internaut"
masinakamaru apayañani. Yaqha markanakana wawanakaparu Web laphipata
apayañani. Aka uñjama,
Alphabet Book
tumpt'asaxa Japón, Brasil ukata EEUU markanakata yatiqirinakata jisk'a
qutu arunakata panka luratanakapa uñjañani.
-
Jach'a yatiqawisana payiri yatiqawina kunjamti siski ukjama nayra sarnaqawisata
mä phunchawi taqi kasta manq'anakata lurañani.
-
Kunjamasa machaqa "Taqpacha yuwanisaxa" akata, yaqhanakaru
uñicht'ayañataki qillqt'añani.
|
