¿khithitsa-Nayaxa?:  Jani utata mistusa samart'awiru saraña - 3 Yatiqawi

|  Aya ¿khithitsa-Nayaxa?  | Yatiqawinakana uñjawipa | Yatiqawi t'aqaru mantaña | Yatiqawinaka |

Khawkharusa saraña muntana uka yatxtanti, ukxamarusa tumpt'irinakaru suyantaraktanwa. 

Jutiri pä simanana yaqha chaqt'aru mistuñataki yatiyawinaka mayiñani, ukxamarusa jiwasaxa khithinakati tumt'iri jutaña munapxi yatiyawinaka churarakiñasawa. Uka chaqt'aru sarasaxa wali kusawa qamañaniwayañasaxa. Wali wakichata tumpt'awinakaxa k'ustatawa.

Akanxa mä qhawqha jiskt'anaka kutiyañataki jiqhatañani.
Janirakiwa taqpacharu kutiyañakiti, ukxamarusa kutiyanakasa uskuraksnawa. 

Jiskt'anaka aruskipañataki

1. ¿Samart'awisana khawkhansa jawt'ayasna? ¿Jawst'aña utanakana ikiñaniti, ukxamarusa junt'uma umasiña utjarakiti? ¿Machaqa masinakamampiyatati?
2. ¿Qhawqhasa manq'axa? ¿Anqanti manq'ata jani ukaxa jumacha phayasita? ¿Kuna kasta manq'sa munta? ¿Khawkharuti sarkta ukana jiqhatatati? ¿Uka chaqt'ana manq'apa mallt'ati? ¿Ukana kuna kasta manq'asa utji? Jawst'irinakamaruwa jat'uchata jiskt'asma.
3. ¿Kuna kasta pachsa suyta? Kuna pachsa utji uka yatisaxa, kunjama isinaksa apañasaxa . uka aruskipañani.
4. ¿Kunsa apasita? Kunanakati apañaki ukanakakiwa apañasaxa. Kunsa wali apaña munsna uka jiskt'añani.
5. ¿Khawkharuti sarkata uka chaqt'ata ullawaytati? Sarkata uka chaqt'ata yatisaxa saraña askiti.
6. ¿Jawst'irisatakixa kunsa apañanixa? ¿Kuna apañasa wali askispa? ¿Utjawisata apaña walispati? ¿Juma pachpana lurata?
7. ¿Sarkata uka markana kawkiri arusa parlapxi? ¿Uka aru parlaña yattati? ¿Uka markana jani arupa yatksta ukxaxa kunsa kamachata? ¿Uka chaqt'aru purkata ukxaxa mä qhawqha aru uka aruna parlaña munasmati? Akjaru uñjañani yanapt'istaspawa.
8. ¿Masinakasampui kuna kasta anatawsa anatsna? ¿Jani uñt'ata anataña yatichañataki uñt'tati?
9. ¿K'umarapxiti? ¿Kunanakampisa apañasaxa? ¿Jaqiru imjatirinakaniñasawa? ¿Qullanaka muntanti?
10. ¿Uka chaqt'ana kawkiri qullqsa apnaqapxi? ¿Qhawqhasa 300 U$S qullqimana?
11. ¿Kunampisa yaqha markaru mistuña? ¿Pasaporte ukaxa kunatakisa? ¿Machaqa muntati? ¿Sapa markatakiti yaqha pasaporte muntana? ¿Pasaporte ukana kuna yatiyainakasa uñsti?
12. ¿Chitanisma ukxaxa khithisa uñjarapiristama? ¿Utana lurawinakanisma ukxaxa khithisa lurarapiristama?

Yatiña utana lurawinakapa

1. Jichhawa jani utata mistusa samart'awiru saraña uka wakichañasa. Kunurusa sarata uka jast'irinakasampi parlakipañanir. ¿Kunjamasa uka chaqt'aru ratuki pursna?
2. ¿Qhawqha pachasa mistuñani? ¿Qhawqhanisa? ¿Jani utata mistuña samart'awiru saraña ukaspa ukxaxa saraña munasmati? Qhawqhanakasa uka chikayañani.
3. Markamana lurapki uka apañataki uñakipañani. ¿Kunjamati kumunasaxa uka jiwa yänakaxa uñicht'ayiti?
4. ¿Kumunamata uka chaqt'axa jayankiti? ¿Markasaxa pachpa continente ukankiti?
5. Correo ukaru jawst'irinakasaru kawkiri chaqt'anaksa uñt'aña munsna, kunanaksa luraña munsna samart'awina taqi ukanaka apayañataki qillqt'añani.
6. Jach'a julli, jamuqa, jisk'a panka, taqi ukanaka jawst'irinakasampi turkañataki apsnati uka aruskipañani.
7. Yaqha markaru kawkinti yaqha aru parlapki ukaru sarkata ukxaxa mä jisk'a qutu arunakana pankapa kunti arskata uka apasiñataki wakichañani.
8. Kunjamasa uka chaqt'aru pursna uka thaqhañani. Red ukana kuna pachanakasa lata jamach'inakaxa, trenes taqi ukanaka mistupxi uka thaqhañani. Correo electronico ukaru qillqaraksnawa jani ukaxa sarañasa walirakispawa juk'ampi yatiñataki.