¿Samart'awinakaru saraña munasmati?
¿Markasakiti jani ukaxa yaqha chaqt'anakcha uñjaña munsna?

¿Jaya chaqt'anaka uñjaña samktati? "Jani utata mistusa samart'awiru saraña" aka yatiqawina sarañani.

Aka uraqinkiri kidlinkers jupanakaxa tumpt'ayasiñatakiwa jawst'apxistani ukjamarusa jupanakaxa jiwasaru tumpt'aña munapxarakiwa. ¿Akanakata juk'ampi yatiña munasmati?

"Jani utata mistusa samart'awiru saraña" nayriri yatiqawipana Internet masinakasaruwa tumpt'ayasiñasataki jawst'añani. Samart'awinakaru kimsa uru jiwasampiñapataki qillqt'añani.
Aynachana aruskipawi jiskt'anaka jiqhatata ukata janirakiwa taqpacharu kutiyañasakiti. Jiwasawa ajlliñani.

Aruskipawi jiskt'anaka

1. ¿"Jani utata mistusa samart'awiru saraña" parlktana ukjaxa kunsa saña muntana? ¿Mä kutisa aka samart'awinakaru sarwaytati? ¿Jani utata mistusaxa yaqha chaqt'aru sarsnati?  Kunjamatasa jumaxa uka sapxita. Khawkhansa jakta, qhawqha pachasa ukankta, ukanti yuriwayta, sutima, qhawqha maranitasa taqi ukanaka sapxita. Correo jat'ucharu taqi aka yatiyawinaka apayañani.
2. ¿Jakawisa kunjamsa yaqhanakataki jiwakiptaysna? ¿Muyukipawimana jiwa chaqt'anaka utjiti? ¿Nayra pachana sartawinaka utjawayiti? ¿Wali uñt'ata jaqi ukana jakawayiti?
3. ¿Jumana dirección global (longitud y latitud) kawkirisa? Akaru limt'añani ukata yatiñani.
4. ¿Markasana sutipaxa khawkhatsa juti? ¿Uka sutixa kunsa saña muni? ¿Yaqha arunakana uka sutixa kunjamaspasa? ¿Kumunasana sutipaxa khawkhatsa juti? ¿Uka sutixa kunsa saña muni?
5. ¿Jakta ukana pachaxa junt'uti thayacha? ¿Ukjama walikiti jani ukaxa mayxt'añapcha munta? ¿Jani utata mistusa samart'awiru saraña ukaru saraña munasmati kawkinti pachaxa janiwa pachpakiti? ¿Pachaxa wali askiti?
6. ¿Markasaxa qhawqha jach'asa? ¿Qhawqha jaqisa utji? ¿Kawkiri chaqt'ansa jakta (rural o urbana)? ¿Markana jakiri wawanakaxa patankirinkirjamapachati? ¿Markasana medio ambiente ukaxa uñjapxiti?
7. ¿Kawkiri arusa parlta? ¿Kawkiri arunakampisa chiki? ¿Qhawqha jaqisa aruma parli? ¿Ch'amati aruma yatiqañaxa? ¿Ch'amati arsuñaxa? ¿Alfabeto ukana mayxa qillqa utxiti?
8. ¿Kunanakasa jakawisana muyukipana utji? ¿Jach'a qullu utjiti? ¿Qullu wallaqkiri umani utjiti? ¿Uka jak'ana quta utjiti? ¿Utasana jak'ana parque nacional uka utjiti?
9. ¿Jakawisana jak'ana sartawi utjawayiti?
10. ¿Jakawisana kawkiri utasa walja marani? ¿Kunampisa lurata? ¿Utasaxa kunatsa lurata? ¿(Thayaki ukjaxa) utasa kunjamsa junt'uptaytana?
11. ¿Markasana jach'a phunchawi uruxa, jani ukaxa anatawi phunchawi ukaxa tumpt'irinakaru jawst'aspati?
12. ¿Jakawisaru kunjamsa ratuki pursna? ¿Jakta uka jak'ana aeropuerto internacional, puerto marítimo o estación de ferrocarril utjiti? ¿Utasaru uka chaqt'anakata kunjamsa purtana?

Jani irnaqaña qalltkasaxa qutunakaru jaljaña yant'añani ukata lurawinaka churañani.

Amtañani: Lurawinakaxa janiwa jumaki lurañamakiti.

1. Aka uraqinkiri wawanakaruwa pä simanana jakawisaru jutañapataki jawst'awinaka qillqt'añani. Ullaña utaru kumunasata pankanaka thaqhiri sarañani. Jisk'a qillqanaka lurañani. Internet ukana kumunasata yatiyawinaka thaqhañani (kunjamti utaru pursna uka qillqt'añani; ukata jawst'awinakaruxa uskuraksnawa). Recursos uka laphina walja utaru puriñanaka jiqhatsna.
2. Jiwasata mä agencias de viajes ukana irnaqiri uñtchi ukjaxa, walispawa yatiña utaru jawst'aña kunatixa jupaxa sistaspawa kunanakasa tumpt'irinakaru uñicht'ayañaxa. Markana jaksta ukjaxa alcalde jani ukaxa tatanakamaruwa yatiña utasaru parliri sarañapataki jiskt'añani.
3. Lawata jach'a laphi lurañani kawkinti sapa maynina jisk'a qillqanaka, correo electrónico ukana qillqanakapa taqpacha qutunaka uñjañapataki uskuñani. Mä panka qillqaña jisk'a qillqatanaka imañataki lurañani.
4. Mä jawst'awi qillqt'añani: Correo uka tuqiru mä qillqata, jani ukaxa jakawisata mä jamuqa lurañani apayañani. Web laphi taqpacha yatiyawinakampi luraraksnawa. Mä cinta de video jiwasaru tumpt'iri jutapxañapataki apayañani. Mä julli jani ukaxa mä jamuqaxa suma qatuqatapuniwa. Laphina jamuqsnawa.
5. Correo jat'ucharu jawst'awisa apayañani. Web laphi lursna ukjaxa jani armasiñaniti kunjamsa utaru puriña uka apayaña.
6. Correo ukaru qillqt'añani jawst'awi qhanatï sasa jiskt'añani. Mayniri jani suma qatuqchi ukjaxa mayampi qillqt'añani jat'ucharu apayañataki.
7. Jach'a yatiqawisana kuna pachasa wakisinikiwa julli, jamuqa, jach'a laphinaka, videos, taqpacha chaqt'anaka tumpt'ata taqi ukanaka turkaña. Lawata laphi lurataru taqi ukanaka uskuñaxa walispawa.