¡Wawanaka kamisaki!

¿Yuwanisata thaqhasaxa yuriwipaxa aka markankapinitaynati? ¿Markata markata yuwanisaxa sarnaqiti? Yaqhipa pachaxa markata markatawa yuwaninakaxa sarnaqapxi. Yaqhipa markanakanxa jaqixa jawst'atjamawa sarapxi. Aka yatiqawina kunatsa yuwanisaxa yaqha chaqt'aru yuriwisata sarxpachana, taqi ukanaka uñjañani. 

Jiskt'anaka Aruskipañataki 

1. ¿Aka uraqina kunatsa jaqinakaxa yaqha chaqt'anakaru sarxapxpacha? Kunatsa yaqha chaqt'anakaru sarxtana taqi ukanaka mä jat'ucharu qillqt'añani. Listserv ukana llallasiñani.
2. ¿Kunatsa mä marka yaqha markaru sarxañataki  jaytjapxpacha? 
3. ¿Kunatsa jaqinakaxa mä markanaki jakpacha? 
4. Mä mapana kawkiri chaqt'anakansa jaqinakaxa yurawi uraqipa jaytjaski uka thaqhañani. ¿Kawkiri markatsa sarawinakamaxa juti? ¿Yuwanisata khithisa yuriwi uraqisa jaytjawayi? ¿Kunatsa? 
5. ¿Yurawi uraqisata sarxasaxa jani walt'awixa utjpachati? ¿Yaqha markaru sarañatakixa, nayra sarawinakasaxa kunanaksa jaytjawayapxpachana? 
6. ¿Kuna maransa nayra sarawinakasaxa yaqha markaru sarawayxapxatayna? ¿Uka pachana aka uraqina kunanakasa pasaskäna? 
7. ¿Kunjamasa machaqa utasaru puriwaytana? 
8. ¿Mä kutisa nayra sarawinakasana markaparu sarawaytanti? ¿Ukana jakawaytati? Listserv ukana uka chaqt'a uñicht'ayañani ukjamarusa yaqha yatiqirinakaru pachpa lurapxañapa mayiñani. 
9. Aka yatiqawi sarayirina wawanakaru kawkinsa jakaña munapxaspa uka jiskt'añani. 
10. ¿Yuwaninakaxa yaqha markaru sarjapxi pachpa sarawinakanisipkiti? ¿Yatiña utasana yaqha markata, yaqha sarawinakani ukjama yatiqirinaka utjiti? ¿Markapana isipa uskusipxiti? ¿Yaqha yatiqirinakaxa kunjamapki ukjamti qatuqapxi? 
11. ¿Yatiña utasana yatiqirinakaxa sarawinakapata llallasipxapiniñapati? ¿Yaqha yatiqirinakaxa sarawinakapata, thuqhupa, arupa llallasipxi ukjaxa kunjamsa yatiqtana? 
12. ¿Sarawinakasaru mä kutisa chhaqtayaña munapxanti? ¿Sarawinakasaxa kunatsa chhaqtañampipacha? Listserv ukankiri masinakasaru kunjamasa jiqhatastana uka  llakiñakasata jiskt'añani. 
13. ¿Mä machaqa markaru purisaxa yuwanisaxa irnaqaña jiqhatakpachati? 
14. ¿Markasana jayllinakapaxa jani qillqatani yaqha markaru ukjampachati purpacha? Aka uraqina walja yatiqirinakawa "Frere Jacques" ukata "Alouette" jayllipa jayllipxaspa. 

1. Yatiña utasa qutunakaru jaljañani ukata, kunatsa jaqinakaxa yaqha markaru sarxapxpacha uka lup'iñani. Mä jamuqana kunatasa uka uñicht'ayañani. Aka uraqina  mapapana khawkjanakansa jaqinakasa jani markapankapki, ukjamakaru wiphala uskuñani. Ukjamarusa kuna chaqt'anakasa markasa utji ukanaka uskurakiñani. 
2. Lois Lowry jupana pankapa Warawarankaru jakhu uskuña, uka ullañani, akaxa daneses jupanakaxa judios jupanakaru puerto ukaru suma puriñapataki yanapt'apxi. Red de Trenes Subterránea en los Estados Unidos uka tuqita ullañani ukata Resistencia Danesa judíos jupanakaru yanapt'añataki ukanaka chikayañani. Den gyllene stjärnan sueco aruna ukjama satawa. Walja pankanaka alxiri: B Wahlström förlag, Identificación#: ISBN: 91-32-13091-0. Yatiña sarayirinkapki aka pankata aruskipañani. 
3. El Misterio del Solitario de Jostein Gaarder jupana pankapata aruskipañani. Hans uka wawaxa tunka payani maraniwa jupaxa taykapa, sarawipa, jutiripa, thaqi ukanakawa aka pankana qillqata. Aka pankaxa  noruego Kabalmysteriet (H. Aschehoug & Co - Oslo) uka arunwa nayraqata uñstäna ukjamarusa holandés uka aruna utjarakiwa: Het geheim van de kaarten (Houtekiet - Antwerpen), ukjamaraki español, inglés aruna. 
4. Joseph Joffo, Un saco de billetes, uka panka ullañani kawkinti París markana 1941 marana pä waynana k'ithasitapa mä jisk'a qillqa lurañani. 
5. Yatiña utasana El diario de Zlata ullañani, ukata IRC chat log de KIDLINK ukaru Zlata jupaxa KIDLINK wawanakampi kunjamsa online parlanakapa uñxsna ukataki tumpt'añani. Online masinakasampi IRC uka tuqitaki Zlata sarnaqawipata aruskipañataki tantachasiñani. 
6. Yatiña utasata masinakasata qhawqhanisa yaqha markata markasankañataki jutawayapxatayna, uka thaqhañani. Machaqa utaparu purisaxa kunjamasa qatuqatapxatayna, uka jiskt'añani. ¿Uka turkawixa jasakinti? Uka yatiyawinaka jamuqana uskuñani. Yatiqawi sarayirina uka masinakamampi mistunaka llallasiñani. 
7. Yaqha markaru nayra sarawinakasjama sarxsna, kunjamaspasa uka amuyañani. Yuwanisaru kunjamti mistuwina sarkistu uka qillqt'añani. ¿Kunansa puriñataki sarawayta? ¿Qhawqha pachansa puriwayta? ¿Kuna jani walt'awinaksa pasawayta? 
8. ¿Markasana yaqha markata jakirinakana sarawinakapa uñicht'ayañataki uka uruxa utjiti? Mä jach'a laphiru uñicht'ayañataki mä jat'ucha lurañani. 
9. Yaqha markata sarawipata mä thuqhu, jaylli, jani ukaxa anatawi yaqha wawanakaru yatichañataki yatiqañani. 
10. Yuwanisana quqapa lurkasaxa sapa maynina yatiyawinakapa tantañani uskuñataki. Ukaruxa kunawrsasa yuriwayi, khawkjana, kunurusa jaqichasiwayi, wawanakapa, wawanakana yuriwipa, ukata jiwawipata, taqi ukanaka uskuñani. Jalxtatanakäna jani ukaxa sapakixapxi jupanakana payiri jaqichasitapa uskurakiñani. Nayraqata yuwanisata qalltañani, ukata qhiparu uñtaskañani. Tayka awkimata, achilamata yanapt'a munata. 
11. KIDLINK IRC ukana masinakasampi tanta lurañani, ukata kunanakasa yuwanisana jiqhatawayta ukata parlakipañani. Nayraxa kawkinti yuwanisaxa jakäna uka tumpt'iri sarawaytanti.