Yuwanisana nayratpacha saphipa, khithinakansa, kunjamasa jakapxana, ukata kunsa lurapxana jaqiñasataki ukanakata thaqhaña qalltañani.

Yatiqawi aruskipañataki

1. ¿"Saphisa" sisktana ukxaxa kunsa saña muntana? ¿Mä kutisa yuwanisata quqa lurtanti? Lurkta ukxaxa khithitsa qalltta. Aka yatiqawi sarayirinkapki uka yatiqirinakaruwa jiwasata parlasa uñstañasa. Kawkinsa, kuna marasa yuriwayta, sutima ukanaka sapxita. ¿Khawkjansa sutinchawayapxtama? Tayka awkimaru jani ukaxa achilanakasaru uka uruta jiskt'añani. Listserv ukana taqi akanaka uskuñani.
2. ¿Aka uraqina yurktana uka phaxsina kunanakasa pasaskana? Any-Year: Today in History aka laphi tumpt'añani yatiñataki. Aka uraqina kunanakati uka pachana utjkana ukanaka sapxita. Aka uraqina masinakama yuripxkana ukxaxa kunanakasa pasaskana uka jiskt'añani. 
3. ¿Uka ratpachati sutima uskuwayapxtama jani ukaxa qhipatcha uskusipktama ? ¿Yuwanimana maynirisa pachpa sutiniti? ¿Jupxama uñtanitati?
4. ¿Sutinkasaxa uñt'ata jaqinakampi uñjpachati? ¿Philisa sutiniñaxa k'uchiñapachati? ¿Yuwanisana kuna sarawinisa suti uskuñataki? Listserv ukana llallasiñani. 
5. ¿Sutiniña, qhipa sutiniñaxa wali askiti? ¿Jaqinakaxa pä sutiniñapiniñapati? 
6. ¿Khawkhatsa juti qhipa sutimaxa? Yaqhipa nayra sarawinakana qhipa sutixa kunanisa jach'ajani ukxaxa ukata juti. Alemania markana Lichtman uka tuqinxa vela luririwa, Arzt - ukaxa qulliriwa, Bader - ukaxa ñik'uta khuchiri, Bauer - ukaxa uywa uñjirirakiwa. Yaqha markanakanxa awkina qhipa sutipaxa junjamatapa sï. Walsh (de Gales) jani ukaxa Norman (de Normandía) aka qhipa sutinakjamawa kawkinktana uka yatiyi. ¿Nayra pachana Lawrence Atwood uka yuwanixa kawkinsa jakpachana? 
7. Aka chaqt'a juk'ampi qhipa sutinakata kunjamati qalltapxana uka yatiñataki tumpt'añani. Qhipa sutisaxa kawkiri qutuñkañapasa: Surnames: What's in a Name? Listerv ukana yatjata ukxawa awist'apxitata.
8. Nayriri utamaxa khawkhakansa, uka tayka awkisaru jiskt'añani. ¿Uka pachpana jakaskta? Jupanakaxa jilapkäna ukxaxa kunjamansa uka jiskt'añani. 
9. ¿Qhawqha utanakansa jakawayta? ¿Taqpachatti amtasta? 
10. ¿Utasana amstana mä kutisa nayra yänaka imatanaka uñjawaytati? Kunanaksa uñjawayta uka sapxita.
11. ¿Yuwanisana achilanakasa, tiyunakasa, jiwasa jak'ana jakapxiti? ¿Kunjamasa tumt'añataki sarawayta?. ¿Jisk'apxana ukxaxa yuwaniparu kunjamsa tumt'iri sarapxana? 
12. ¿Jichhurunakkamaxa jakawisana kunanakasa utjawayi? Jiwasataki ukanaka qillqañani aruskipañataki.
13. ¿Yurkta uka markata sarawayxtati? ¿Kuna pachasa sarawayxta? ¿Kunatsa sarawayxta uka yattati? Tayka awkisaru jani amtkta uka chaqt'anakata kunjamansa uka jiskt'añani. 
14. ¿Jilanitati jani ukaxa kullakanitacha? Jupanakata parlt'apxita. ¿Jumampisipkiti jani ukaxa yaqha chaqt'aru sarawayxapxi? ¿Jaqichataxapxiti? ¿Wawanakanipxiti? 
15. ¿Awkinamana tatanakapaxa jakasipkiti? ¿Khawkjansa jakapxi, ukata kunsatapxisa?
16. ¿Kunanaksa lurapxana? 
17. Yuwanimana lurawinakapa thaqkayata ukxaxa, ¿qhawqha jani uñt'ata qutu arunaksa uñjawayta? ¿"Clapman" jani ukaxa "gummer" ukanakaxa kunsa saña muni uka yattati? Mayaxa markana yatiyawi uskuña saña muni, mayaxa khuchuri askichriri saña munaraki. http://onthenet.com.au/~tonylang/occupa.htm aka laphi uñjasaxa lurawinakata juk'ampi yatxatañani ¿Taqpacha lurawinaka utjaskakiti?. Utjaskchi ukjaxa, ¿mayja sutinixiti? Uka irnaqawi chhaqhchi ukjaxa, ¿Kunatapachasa? 
18. ¿Taykamana awkinakapaxa jakasipkiti? ¿Khawkjansa jakapxi, ukata kunsatapxisa?
19. ¿Kunanaksa lurapxana?
20. ¿Yuwaniru , kumunaru jani ukaxa markasaru yuwanisaxa kunsa yanapt'añataki lurawayi? ¿Kunanaksa juk'ampi suma lurapxana? 
21. ¿Jichhurunxa kunakta ukatakixa achilanakamaxa kunsa lurawayapxi? Aka jakawina kunanakasa jumataki wali munata, ukanakata lup'iñani. ¿Yaqhipa achilanakaxa pachpa chuymanipxiti? Amparampi lurañanaka, jani ukaxa jaylli munsta ukjaxa, aka uñjañani, ¿Khitjama llamp'u chuymanitasa? ¿Kawkitsa jaylliru, thuqhuru, jani ukaxa amparampi lurañanakaru munañaxa juti? ¿Uka chaqt'anakana uka lurawinakaxa ukankañapakti muntana?
22. ¿Yuwanisaxa tantachasi ukjatakixa mä jaylli munata utjiti? ¿Yuwanisana jach'a jaqinakaxa wawana pachpa jayllinakapti jallallt'apxi? ¿Uka jayllinaka uñt'tati?
23. Uruna yuwanisana usuntiriruxa khithina uñjatañapasa, ¿waynanakati uñjañapaxa , jani ukjaxa yaqha chaqt'arucha apapxi? 
24. Kunanakasa nayra pachatpacha achilanakasaxa jaytawayistu. Tayka awkisaru kunanaksa achilanakasaxa jaytawayistu, ukanakata jiskt'añani. Ukanakata parlapxita. ¿Kunanakasa wawamaru, ukata alchhinakamaru jaytaña munasma? ¿Kuna wali munata jaytaña munta? Kunjamsa qatuqawayta, ukata kunatsa wali munata uka sapxita.
25. ¿Markasana taykaru uruchaña, awkiru uruchaña, uka urunakaxa utjiti? ¿Kunawrsasa, ukata kunjamsa jallallt'apxi? ¿Achilanakaru uru uruchañaxa utjiti? 

1. MindSpace Lineage Poems ukaru tumpt'añani "poesía de linaje" kunjamasa qillqata uka uñjañataki. Yatiña utasana poemas de linaje uka qillqañani, yaqha yatiña uta uñjañapataki. Mä poema de linaje ukaxa akanakaniñapawa: 

• suti 
• tayka awkina sutipa 
• nayra pachatpacha jutiri/yuwaniniña
• yaqha markata arupa jaqukiptayaña 
• kunjamaktana uka 
• munktana ukanaka 
• yuwanisata  
• Jisk'a sañanaka 

1. Jutiri kimsa qallqu simanana Yuwanisana quqapa lurañani. Yuwanisana quqapataki yuwanisaru sutita, yuriwita, khawkjansa yuripxi, jiskt'asa uka yatiyawinaka thaqhañani. Mä pankana yatiyawinakama jullima imañani. Yuwanisana quqaparu khithinakarusa apantaña muntana, jupanakata yatiyawinaka tantañani. Yatiña utana, kunanakati tayka awkiru jiskt'aña munapxta uka sañani. Jiskt'anakasa llallasiñani.
2. Kunjamsa yaqha pacharu kutsna, uka lup'iñani. Jichhakama mä achilampi parlaskaptati. ¿Kunsa sasma? Parlakipawisa jiwa arunakana qillqt'añani. Yatiña utasana mä masi nayra yuwanimaru yatxapayañataki thaqhañani.
3. ¿Nayra yuwanisana yaqha aru parliri utjiti? Ukjamachi ukjxa, mä jisk'a qutu arunakana pankapa lurañan. KIDLINKers ukanwa kunsa saña muni uka aru, uka yanapt'anaka qatuqsna. RESPONSE ukana yaqha markata KIDLINK waynanaka thaqhañani uñjañataki. 
4. Achilanakanxa kunjamansa nayra utanakapaxa, uka uñicht'ayañati jisk'a yänakata lurañani. Jichhurunakana kunanakati utki taqi ukanaka uka lurataru uskuñani. Web laphina, ullaña utana uka lurataxa sumañapataki thaqhañani. 
5. Yatiña utasaru yuwani kunti lurktana uka uñjañapataki jawst'añani. Yuwanisana qullqi apnaqiri utjchi ukjaxa uka jach'a yatiqawita parlañani. Yatiña utana uraqi irnaqiri utjchi ukjaxa kunjamansa jichhaxa kunjamasa  ukanaka parlapxarakispawa.
6. Yatiña utasana "Achilanakana urupa" achilanakasa jawst'asa phunchhañani. Jupanakataki jaylliñani, chapara aru qillqañani, jamuqañani, ukata mä phunchhawimpi amtañani. Yatiña utasaru waynakana uka parlañapataki jawst'añani.
7. ¿Yuwanimana khithisa jani ukaxa jumacha premios, trofeos jani ukaxa medallas especiales ukanaka qatuqawayta? Yatiña utasaru ukanakata parlañataki apañani.
8. Mä kasita jani ukaxa cinta de vídeo uka, achilasampi parlktana uka imata apayañani. Yatiña utasana achilanakasaxa nayra sarawinakata kunti sistu uka llallasiñani. 

Yatichirinakataka qillqata | Yatichirinakataki yatiqataru mantaña| Recursos |Yatichirinakana yatiqawipa | Páginas en este directorio

Thaqhaña: Nayrt'aña  

Ayuda | Lecciones |Elefantes Azules | Acerca de nosotros |  Contáctanos | Miembro? | Privacidad | Quiere ayudar? | Registrarse

Revisada por Odd de Presno - Julio 20, 2004. - Copyright ® 1990-2007 Kidlink - Todos los derechos reservados.
Aka laphixa Maribel Villanueva y Reyna Condori   jaqukipata Bolivia  marzo 2005.

http://www.kidlink.org
Aka yatiqawixa Patricia A. Weeg  ukana qillqatawa