¿Yatiña utana lurawinaka utjituti?

¿Khithitsa-Nayaxa?:   ¿Kunanakasa nayana lurañajaxa? - 7 Simana

|  Aya ¿Khithitsa-Nayaxa?  | Yatiqawinakana uñjawipa | Yatiqawi t'aqaru mantaña | Yatiqawinaka |

¿Mä kutisa "yatiqaña utana p'iqinchiripaña" munawaytati? ¿Kuns lurasma? ¿Yatiqaña utamana kunanaksa mayjt'ayasma?  ¿Qamaskta ukjana sarapxañamapiniti? KIDLINK tuqina päyiri jiskt'apanxa kunañasa jach'ajasaxa munta uka qillqtati. ¿Kunjamsa aka jach'a yatiqawiru jiqhatasma? ¿Jichhurutakixa kuna amuyt'añanakaniñamasa suma sartapxañapataki?
 

Aruskipawi jiskt'anaka

1. ¿Yatiqaña utamana kunasa wali munta? 
2. ¿Khiti yatichirisa wali munata? ¿Jumatakixa aka yatichirixa kunsa wali kusa luri? 
3. ¿Pachpa isisiñaxa uka amuyt'awixa wali pachati? ¿Yatiqaña utamana pachpa isisiñaxa utjiti? ¿Jumaxa uka isinakaxa muntati? 
4. ¿Yatiqaña utamana kuna pachasa yatiqaña qalltapxi? ¿Sabado urux yatiqañaxa utjiti?
5. ¿Yatiña utasana kawkiri kalintaryusa utji? ¿Kuna phaxsisa  qallti, kuna pachasa tukuyi? 
6. ¿Yatiqaña utamanja kuna yatiqañasa wali munata? ¿Kawkiri yatiqañasa jani munkta?
7. Jach'a yatiqañanakanxa, ¿jumaxa kawkiri yatiqañasa munta uka ajllismati?
8. ¿Yatiqaña utamana isima, jani ukaxa panka, ullaña uka imañataki utjiti? 
9. ¿ Uru jurnala mä yatichirimpikitati, jan ukaxa, sapa yatiqawitakicha yaqha utji?
10. ¿Uru jurnalati pachpa marani wawanakampita? ¿Yatiqawi utana kunaymana marani wawanakaxa kitthapiña walipachati jani ukaxa pachpa maranipxañapachacha?
11. ¿Yatiqaña utamana kawkiri yatichawisa jani utjki utjañapa munasma? ¿Yatiqaña utamana kunasa, kunjamasa yachawixa, aka tuqita arst'aña utjiti? 
12. ¿Yatichinakaxa ist'apxtamti? ¿Yatiqaña utamana kunanakati yatiqiriru jani walt'ayki uka amuyt'awiru yatiqirinakaxa sarapxiti? 
13. ¿Tayka awkimaxa yatiqawimankapxiti? ¿Yatiqaña utamaru tumpt'iri jawst'atapxiti? ¿Yatiqaña utamaru yaqhipa awkinakaxa yanapt'iri sarapxiti? 
14. ¿Taqpacha yatiqawinakaxa waliti jakawimatakixa? ¿Kunjamasa jaqha nayra sarawinakaxa yatichapxiristama? 
15. ¿Markamana ukata yatiqaña utamana machaqa yatiqirinakaru yanapt'añatakixa kuna kasta yatiqawisa jumana aruma jani nayra sarawipa armt'asa, yanapt'añataki utji?
16. ¿Yatiqaña utamanja taqpacha yatiqirinakaxa mä yatiqawi yant'a lurapxañapa utjiti? ¿Akaxa yatiqirinakaru qariyiti? 
17. ¿Yatiqaña utamana jani wali lurañaxa utjañapapachati? ¿Kawkiri jani wali lurañanakasa utjañapa? ¿Jani wali lurkta ukjaxa kuna jani walisa uñsti? ¿Aka sarawixa askiti? 
18. ¿Yatiqaña utamana kunjamasa uñjasta? ¿Uka chaqt'axa kusisiyiti? ¿Qariyiti? ¿Yatiqirinakaxa yaqhampixa suma jaqipxiti? ¿Kunjamasa yatiqiri masinakamaxa uñjapxtama? ¿Yatiqaña  utamaxa kunjamasa jumanakaru uñjapxañapa?
19. ¿Waliti lup'iyapxtama? ¿Jumatakixa kunasa wali uka yatiqasktati? ¿Yatiqaña utamaxa taqpacha munañampiti yanapt'apxtama? 
20. ¿Jani yatiqaña utampixa kunjamasa lurataspa? ¿Markamana tayka awkinakaxa wawaparu utankañapataki yatichiri utjiti?
21. Yatiqaña utaru sarañatakix jach'a jaqinakati sapxi. ¿Jumatakixa uka amuyuxa waliti? ¿kunata? 

Melissa, "Undoukai"   Japón markana yatiqaña utana antaña uru.

Yatiqawi utana Lurawinakapa  

1. Yatiqaña utama kunjamañapasa uka qutunakana irnaqt'ama. KIDLINK IRC uka tuqimpi mayacht'asima ukat yatiqaña utama uñicht'ayama. Yatiqaña utama kunjamañapasa munta ukjama jamuqt'amal. 
2. Yatiña utasana kunasa wali lurasi ukata mä phunchawi uru lurañani. Uru  KIDLINK uka jach'a yatiqawi uñjama ukata yatiqawi utapana urpacha kunjamasa yaqha wawanakaxa ukankapxi. Uru jurnala kunati lurki uka, sapa yatiqirixa uñji. 
3. Yatiqaña utapata yaqhanakaxa kunsa sapxi uka ullañani. Yatiqaña utapata kunsa lup'ta uka sapxama, ukata kunasa jani amuykt'a uka jiskt'ama. ¿Yatiqaña utanakana yaqha yänaka jani jumana utjki uka utjiti? ¿Munasmati ukaniñaxa? 
4. Yatiqaña utamana p'iqinchiriru kunasa jani utji ukata mä qillqa apayama. Kunjamati munkta ukjama jamuqama. 
5. Math Anxiety Bill of Rights uka ullama ukata yatiqaña utana kawkiri yatiqawitakisa lurawinakamata mä qillqantawi lurama.