¿Kunjamsa nayaxa imjatatirista?

Wawakasaxa suma jilañataki, suma amuyaña yatiqañataki imjatatañasawa. Akaxa suma manq'aniñama, utaniñama ukata utaxa wali munasiñaniñapawa aka saña muni. Janiwa khitisa jumaru kawksatasa ajsaraykiristamti. Utamana tatanakamaxa jumana waliñamatakixa taqi kuna lurapxi.

Ñanqha qullanakaxa walja wawana jakawipa jiwayaski. Yaqhipa waynanakaxa lik'itwa sasawa jani manq'apkiti. Jupanakpachawa jani walt'asipkiti qhispina uñkatasisax. Illapxasiñaxa utjiti. Inaya  jumaxa jani illapxasiña uñjstati, ukxamarusa yaqha wawankaxa aka uñjasaxa wali jachapxi. Bosnia markana Lata Filipovic, uka tawaquxa illapxasiña taypina jaki. Jupaxa jakawipata mä panka qillqawayi, ukata wali uñt'ayasiwayi. Jupaxa Kidlink IRC uka tuqiruwa qillqawayi ukata, jiwasampiwa parlawayi. Aka uraqi jani khitisa uñjkani ukjaxa janiwa jiwasarukisa jani ukaxa jutirinakarusa ukjamraki jani walt'aykaniti.

Ch'axwa jiskt'anaka

1. ¿Simana tukuyi ukjaxa tatanakamaxa utamaru puriñatakixa pacha uskupxiti? ¿Uka pachaxa tatanakamampa chikati uskupxta? ¿Ayllumaxa utaru aruma wawanakana puriñapatakixa mä pacha uskupxiti? ¿Uka amuyt'awixa askipachati? ¿Juyphipachatakisa jallupachatakisa yaqha amuyt'awixa utjiti?
2. ¿Tatanakaxa wawanakana uñch'ukiñanakapa pacha iraqapxañapati? ¿Uka uñch'ukiñanakaxa walja kasta nuwasiñanakanipachati? ¿Akax wawanakatakixa walipachati?
3. ¿Jumjamatakiti uñch'ukiñanaka ajlltana ukaxa? ¿Qhawqha maraniñamasa jani jach'a jaqimpi uñch'ukiri sarañatakixa?
4. ¿Kunasa inmunización ukaxa? ¿Asu wawakayata ukjaxa kuna qullasa qatuqawayta? ¿Jani yatiqaña utaru mantkasaxa qulla qatuqañama utjiti? ¿Kunatasa yaqhipa wawanakaxa jani qulla qatuqapxpacha?
5. ¿Khitisa usuytama jani ukaxa jani walt'asiyktama? ¿Khitimpi parlañasa utjtamati?
6. ¿Yatiqaña utamana khitisa manq'ama ajlli? ¿Yatiqaña utamanti manq'a alasta jani ukaxa apastacha? ¿Khitisa manq'ama phayaraptama? ¿Jumapachpati manq'ama kunanakaniñapasa munta uka phayasiñama?
7. ¿Kunasa anorexia ukata, bulimia?. Web uka tuqina thaqapxañani ¿Uka yatiyawi jiqhatkta ukaxa waliti? ¿Kunjamatsa yatta?
8. ¿Kunjamasa anorexia, bulimia tawaqunakana jakawipa jiwañaru puriyi? ¿Wali uñt'ata jaqinakata aka usunakampi jiwatapa, yattati?
9. ¿Yaqhipa ñanqha qullanakaxa jakawimaru walt'aypachati? Aka uraqina yaqhipa chaqt'ana ñanqha qullanakaxa apnaqatakipachati?
10. ¿Yatiqaña utana yatiqawinakaxa utjiti, kuna jani walinakasa ñanqha qullanakaxa luri uka? ¿Ayllumana wawanakaxa ñanqha qullanaka apnaqapxañapaxa waliti?
11. ¿Qhawqhanisa jumanakata usumpi jani ukaxa jani walt'awimpisa ayllumankiri jani ukaxa munata masi chhaqayasipta?. Yuwanimata illapxawina mayni chhaqhaysna ukxasti.
12. Mä q'uma uraqi ukata suma qamawi wawanakataki jilañapataki uskupxañani. Kunjamasa mä "quma uraqixa" uka uñist'ayapxañani. 

1. ¿Usutakta ukjaxa khitisa uñjtama? Tatanakamampi parlama ukata wawakayata ukjaxa kuna kasta usunakasa, kuna pachasa katuwayta ukanakata mä qillqantawi lurapxañani. Mä jiwa laphi "Usunakamata" lurapxañani ukata usutakayata kunjamasa uñjapxayatama, usutañaxa kunjamasa ukanakata qillqt'apxañani.  "Yatiqaña utana uñjañapaspa ukjasti..." ukata mä jisk'a qillqata lurapxañani. Qillqantawinakaru apayapxañani.
2. Pä simana yatiqiri wawanakataki manq'ata qillqantawi lurapxañani. ¿Kuna kasta manq'asa uchapxsna? ¿Kunanakasa manq'ana jani utjañapa (jani walja jayuni, jani lik'ini, etc)?
3. Yatiqawi utana Zlata diario ullapxañani ukata parlakipapxañani. Janiwa jichhakamasa sapüru qillqatanaka imañaxa askichatakiti (81K) Kidlink IRC tuqina Zlata arunakapampiwa phuqa.
   Jumana kawki jisk'a manq'asa wali munata. Yatiqaña utamana mä uruniñamawa jisk'a manq'anakata ukata yatiqawi utamana sapa mayniwa jisk'a munata manq'apa apañapa (kunjamasa luraña ukamppacha) mayninakampi llallasipxañapataki.