Wali Luraña Munatanaka

|  Aya ¿Khithitsa-Nayaxa?  | Yatiqawinakana uñjawipa | Yatiqawi t'aqaru mantaña | Yatiqawinaka |

Islandia markata

Aka Simananxa kunanakasa such'i wawanakaxa saykatapxi uka aruskipañani. Yaqha wawampi samkapaxa axsarañapaxa pachpati. Jupanakaxa, aka jakawinxa kusisipxañaparakiwa.

Such'u wawa uñjasaxa, kunati jani lurki ukaki uñxtana. Wali askiwa sapa wawawa jilañapa, yatiqañapa uka amtañaxa. Katrin phutupaxa such'u wawana anqana anataña muni uka amtayistu. 

Kimsa uqara yatiqirina jisk'a qillqatanakapa khitinakati 1993 uka marana kidlink wawanakampi such'u wawanakata aruskipawayapxatana uka ullañani.
 

Islandia markata

1. ¿Kunsa juk'ampi thaqhasma - nayramti, jani ukaxa jinchumcha? 
2. ¿Kunjamsa mä such'u wawaxa mä t'ixt'awi jani ukaxa mä anatawi atipaspa ' (tug-of-war)? 
3. ¿Uqara wawanakaxa kunjamsa parlasipxi? ¿Taqiniti pachpa parlaña apnaqapxi? ¿Khithisa parlañapa lurawayi? 
4. ¿Kumunamana jani ukaxa yatiqaña utamana such'u wawanakaxa kunanaksa juk'ampi saykatapxi? 
5. ¿Yatiqaña utaru jani masinakamampi sarkasma, ukata such'i wawanakana yatiqaña utaparu sarañama ukxaxa kunjamsa jiqhatasisma? 
6. ¿Juykhu yurisaxa ukata aka jakawina juykhuptañaxa pachpapachati. ¿Kunasa ukata mayjapacha? 
7. ¿Mä juykhu wawaxa aliqa uñxkiri wawxamapachati? 
8. Yatiña utasansti, ¿yatiña utana such'u wawanakaxa, yaqha yatiña utaru unxpachati? ¿Uta naktayañanakaxa such'u wawaxa naktaypachati jani ukaxa sinti amstankicha? 
9. ¿Such'u wawanakaxa pachpa yatiqaña utankapxañapati jani ukaxa yaqhankapxañapacha?
10. ¿Kunasa such'u wawana jach'a anatawinakapa? ¿Aka jach'a anatawinakampixa, kunsa jiqhataña munapxi? 
11. ¿Kawkiri such'u wawanakasa nayraru mistusipki, uka sutinchasmati? ¿Kunsa lurasipki, ukata kunatsa uñch'ukta? 
12. ¿Jumaxa such'uptasma ukxaxa kunsa kamachasma? ¿Kunjamasa jakawimaxa mayjaspa? 
13. ¿Such'u jaqinakata kunsa yatiqsna? 
14. ¿Such'u wawanakaxa jiwasjamati pachpa lurawinakani?

 
1. Yatiña utamata mä yunta ajlliñani. Mä panuylu apnaqañani. Yuntamampiwa panuylumpi nayra ch'uqantayasiñama. Yatiña utasana mä urawa aka lurañani. Aka lurawinaka turkañani. Juykhusaxa kunansa jani walt'asiwayta uka qillqañani. 
2. ¿Juykhu wawanakaxa kunjamsa jamuqanaka rixsupxpacha? ¡Yant'añani! Mä laphi jach'a jamuqampi katuñani, ukata phiskhuñampiwa muyukipañani. Ukata phiskhuña wañt'ayañani. Mä chalampi nayra imantasiñani. Mä rixsiri samini katuñani, ukata phiskhumpi muyukipataxa uka rixsuñani. 
3. Mä sich'i jamuqaru pä sayana kunsa nayramti, jani ukaxa jinchumcha wali munta uka qillqañani. 
4. Yatiña utamana mä juykhu wawa utjchi ukxaxa kunti jupaxa anataña munki uka anatañani. 
5. Braille qillqata uñjañani ukata ullaña yant'añani. ¿Yaqha qillqanaka munasiti? ¿Braille qillqataxa kunjamasa? 
6. Jumana alfabeto Braille cereales redondos, arroz, taqi ukanakampi. Mä laphiru alfabeto lurañataki taqi ukanaka lip'irañani. Alfabeto ukampixa mä qutu aru lurañani,ukata masinakasaru ullayañani. 
7. Yatiqaña utasana llallasiñataki jisk'a qutu arunaka, jayllinaka qillqaña yatiqañani. 
8. Jach'a laphinaka jani jaqinakaxa such'u wawanakaru chuyma ust'ayañapataki qillqañani. Yatiña utasana uka laphinaka lakirañani. 
9. Qutunakana irnaqañani kunjamsa yatiña utasa muntana jani khithiru apsusa, uka aruskipañani. ¿Yatiña utasana jichhaxa kunati jani utjki uka usksnati? ¿Yatiña utasaxa uta tawqatañapati jani ukaxa pampakiñapacha? Yatiña utasa jamuqañani, ukata sapa uta jani pantjasa sutichañani.