¡Wasitata, waliki jutapxtaxa!
Pasiri simanaxa Convención uka tuqina kuna
lurawinakaniñasasa ukawa mä qillqantawina uñjawaytana. Ukat jat'ucham yaqhampi chikayañataki
lurawayta.
Jumaxa kunjamakta uka taqiniwa yatipxtanxa. Wali askiwa taqi chaqt'ana
wawanakana k'umiriñapataki, k'uchiñapataki ukanaka thaqañaxa. Yuriwisatawa
taqi jani walinakata imjatatañasaxa. Akaxa markamana
p'iqinchirita ukjamarusa tatanakamankiwa uka uñjañaxa.
Mä wawaxa yurki ukjaxa, mä sutiwa churata. Yaqha markanakana
janiwa
wawaxa yurki uka ratpacha suti uskupkiti. Aka uñjapxañani, Islandia Markana janiwa
asu wawanakaru uka ratpacha suti uskupkiti. China markana, tatanakaxa
kunjamañapsa wawanakapaxa muni ukjamarjamawa suti uskupxi. Yaqhipa
americanos
yuririnakaxa asu wawaru suti uskuñatakixa kunjamasa wawaxa uka nayraqata
uñjapxi. Wawanakana sutipawa jachirini, amukini jani ukaxa malakarani uka
uñjayistu.
Awisaxa taykanakaxa wawanipki ukjaxa wawaru uñjañxa ch'amtayiwa ukata wawapxa
yaqha aylluruwa churxi. Jupanakatakixa wali askjamakiwa wawapxa yaqha
aylluna
jilañapaxa. Yaqhipa chaqt'anakaxa "yaqha wawa katuyakiwa" kunatixa khititi
yuriyki jupanakaruxa uñt'apxarakispawa ukjamarusa tumpt'apxarakispawa.
Jiskt'anaka ch'axwañataki
- ¿Jaqinakaxa kunjamakta ukjama munapxpachatamti? ¿Yatiqaña utamana
wawanakaxa, juma pachpañamataka uka jaysapxiti? ¿Yaqhipa wawanakaxa "mayja
masinakapata" larusipxiti ukaxa utjiti?
- ¿Kunatasa juma jak'ana jani wali wawanakaxa, ukankañapa munta?¿Ukxama amuyañaxa waliti? ¿Janiti walt'aykta yaqha wawanakana jakawipxa? ¿Akaxa
lurañamapiniñamati?
- ¿Kunasa phuqhata sutimaxa? ¿Kunasa saña muni? ¿Kunjamasa kunapachasa uka suti
uskupxtama? ¿Markamana mä kusisiña phunchawi kawkjanti rijalunaka
qatuqwaykta uka utjawayiti?
- ¿Sutimaxa muntati? ¿Ajlliñasma ukjaxa kawkiri sutisa ajllisma? ¿Mä kutisa
sutimata larusiwayapxiti? ¿Sutimata larusiwayapxi ukjaxa kunjamasa
uñjasiwayta?
- Aka yatiqawinkapki uka yatiqirinakaxa sutipata yatiyawi
apayanipxi ukanaka qillqt'apxañani. Sutinakapat jiskt'apxañani. ¿Markapana
nayrapachatpacha jutiri sutinakaxa utjiti?
- ¿Yaqha aylluna jilasiri wawanakaxa jakawipaxa mayjapachati?
- Aka yatiqawinkapki jupanakata mayniriru "wawaru ajllipxañani" ukata jumana
ayllumaru machaqa ayllupañapataki apapxañani.
- ¿Markamana yaqha aylluru wawanaka jilyañatakixa utjiti? ¿Jumatakixa ukax
awaliti?
- ¿Markamana wawanakana mayniru tatapampi chika jakapxi ukaxa mayniru
tataparuxa tumpt'aña utjpachati Existen?
- ¿Markamana ayllunakaxa yaqha markata jutiri wawampi jakapxi uka
uñjañaxa utjiti? ¿Aka wawanakana nayra sarawipa jaysapxiti? ¿Aka
wawanakaxa markamana janiti jani wali nayrampi uñch'ukitapki?
Yatiqawi utana Lurawinaka
- Kunasa saña muni sutimaxa uka thaqapxañani. Tatanakamampi parlt'apxañani ukata kunatasa
uka suti uskupxpachatama uka jiskt'apxañani. Qutu yatiqawimampi yatayawinaka
jiqhatkta uk llallasipxañani.
- Mä chaqt'awa RESPONSE, KIDLINK, kawkjanti KIDLINK tuqina uka wawanakaxa
kunjamsa uka pusi jiskt'anakaparu kutiyapxi uka uñjata. Archivos de
RESPONSE ukana uñjapxañani ukata kawkjansa wawanakaxa jakapxi uka chiqt'aña
yant'apxañani.
¿Markanakaru sutinakampi uñt'añjamapachati? Yatiqawi utamaru jisk'a
qutunakaru lakirapxañani ukata RESPONSE uka qillqantawi uñjapxañani. Ukankapki uka
yatiqirinakana tunka sutimpi mä jqillqantawi lurapxañani. Walja markanakana
sutipa ajllitañapawa. Yatiqawi utamana yaqha qutunakampi tunka sutita
uka qillqantawi llallasipxañani ukata kawkjansa uka wawanakaxa sutiparjama jakapxi uka
thaqapxañani. ¿Kunjamasa chiqt'awayapxi?
- Sapa mayniw kunayman munaniñatanxa. Wiskhu imkta ukana jisk'a
yänakata ukaru mantañapataki lup'ipxañani, kunatixa ukanakaxa jumaruwa
uñicht'ayañapa. Aka uñjapxañani,
wiskhu imañamanja kuanankampisa jamuqta taqi ukanaka imapxañani. Wali
munata jallat'awima ukaru imapxaraksnawa. Yatiqaña utaru wiskhu imañama
taqinimpi llallasiñataki apanipxañani. Listserv uka tuqiru kunanakati
wiskhu imañamaru mantki taqi ukanakata mä qillqantawi apayapxañani.
Yaqhanakaxa kunasa kipka yant'awina lurapxatayna uka uñjapxañani:
- Mä MUSH lurañatakixa sumaptayapxañani. Mä aruskipawi yaqha qutumpi
adopción "abierta" tuqita lurapxañani. Kawkiri yatiqawi utasa wali
tuqita arsusipxani. Sapa qututa pá yatiqiriwa sarayapxañapa.
- Juma pachpataki thayacha, junt'ucha tupuñataki lurapxañani. Celsius (centígrados)
uka apnaqsta ukjaxa ch'usata pusi tunkakama, phisqata phisqata, jani
ukaxa Fahrenheit uka apnaqsta ukjaxa ch'usata patakkama tunkata tunkata
qillqapxañani. Sapa pachata mä tuqiru kunti lup'kta uka uskupxañani.
Kidlink tuqina yaqha wawanakana 'Sapa Maynina
Tupuñapa' uñjapxañani.
- Uka pachana kunjamasa isthaphisitasma ukjama ñiq'i jani ukaja plasticina
apnaqasa lurapxañani.
- Mä t'ixita wawa kayuru uskusiñampi lurapxañani. Kunjamakta uka
uñist'ayañataki jiwakiptayañani. Yatiña utasana taqiniru uka wawa t'ixitanaka uñist'ayañani.
- Yatiña utasana sapa yatiqiriwa jisk'a laphina walinaka maynita
qillqapxañani. Yatichiriwa sapa
yatiqirita kunasa qillqata uka laphi apthapiñapa imañataki. Akanakaxa yaqha yatiqiriwa
lakxi. Khithiti apnaqañapaxa juparuwa aka qillqatawinaka churapxañasaxa. Sapa mayni qillqantawi qatuqasaxa kusist'apxañani.
|
