¿Khithitsa-nayaxa?

1, 2 simananaka

"Sutijaxa Jordan satawa (utajanxa Li Jing masinakajatakiwa). Nayaxa maya jisk'a chino,niya janq'urakithwa. ¿China wiphalaxa kunarusa uñtasi ukxa yatipxtanti? Waliki, wila laqampata q'illu warawaranakata jutatawa. Maysaxa janq'uwa.
jichhaxa samichataxa naya pachpata chimputawa."

¡"Khithitsa nayaxa" uka amptataxa aski puriwi!. Nayra yatiqawisaxa jumaxa khithitasa ukata khithimpisa uñjañapaxa. Kawkiri q'uchsa wali ist'aña munta, kuna manq'sa wali  manq'aña munta, kuna anatañanakamasa wali munata, lup'iwinakamasa uñch'ukiñanakamsa munata pankanakamsa; taqi akanakawa yaqhanakaruxa jumaxa khithitasa ukxa saspa. ¿ Sutimaxa sinti askitapxa yattati?. Jani sutinisma ukjaxa ¿kunjamsa uñt'ayasisma? ¿Jani sutinixa khitismasa? Kunjamasa uñt'ayasismaxa.  Ukjamawa yaqhanakaxa uñt'istu.

Sutinakaxa mä jach'a atina sutinkax churistu. Jiwasana lup'isaxa yaqhanakata sutinakaparjamawa pixtupxaspa. Jiwasaxa yaqhipa uñtanakxa sutinakampiwa mayachtana. Uka mayacht'awinakxa jiwasanakaxa jach'a qutunakana jiwasana sarnaqawinakasampi, wali uñt'ata jaqinakampi, nayra sarawinakasata, qillqirinaka, ullirinaka, siwsawinaka, uñch'ukiñata, thuquwinakasata taqi akanakampiwa jiltaytana. Ukatawa yaqhipa sutinkaxa yaqha markanakana uñt'ata. Jatha sutinakaxa achachilanakasana jakawipa lurawinakapa yaqhipa sutinakaxa uñjayistu. Ukjamaraki yaqha markanakana yaqhjama amuyuninakarakiwa. Yaqhipa markanakana wawanakaxa tatapana jatha sutipaki uskusipxi: Evans, Sepúlveda, Smith o Vega. Yaqhipa markanakanxa tatana nayra sutipaki uskusipxi: Stefansdottir (Stefan phuchapa), Jonsson (Jonan yuqapa), Vasilievna (Vasili phuchapa) y Tokmakov (Tokmanan yuqanakapa). 
 

Aruskipawi jiskht'anaka 

1. Jiwasanakana jach'a yatiqawisa yaqha yatiqirinakaru yatiqawi utaru uñt'ayañani. Yatiñ utasana sutipa, ukata qhawqha yatiqirinakasa utji, ukata utjawisa, ukata markasa uñt'ayañani.
2. ¿Ayllusanxa kawkiri sutisa juk'ampi uñt'ata? ¿Kunatsa ukhama amuytaxa? Yatiña utasana ¿mä wawatakixa kawkiri sutisa juk'ampi uñt'ataxa? ¿Yaqhipa wawatakisti? ¿Markasansti? Yaqhjama sutisma ukjaxai ¿kuna sutisa chhijllapxna? 
3. Yaqhipa sutichanakaxa sutinakana chikatapawa, yaqhanakasti uñstayataraki. ¿Sutichanitati? ¿Kunatsa jaqinakaxa sutichanipxi?
4. ¿Sutisaxa kuna saña muni uk yattanti? ¿Yuwanisana sutinakapaxa kunsa saña muni uk yattanti? 
5. Mä wawana sutipaxa jach'achi, jani ukaxa ch'amachi, wawatakixa qillqaña yatiqañaxa juk'ampi ch'amawa. ¿Jumaxa yaqhipa sutinaka sasmati? 
6. ¿Jumatakixa askiti jaqiru sutipata jawsañaxa, ukat chiqata arsuñaxa? ¿Red apnaqkasa  yaqhipanakaxa sutisa jani wali qilqapxa ukjaxa jumax kunjamasa uñjastaxa?
7. ¿Jumaxa yatismati kunjamsa mä sutixa yaqhata sistaspa?
8. Aka uraqi pachana kunaymana, sarawinaka, arunaka, apu sarankana yaqha suti churasa,  apnaqasa, walja kastata jiqhatapxatayna. Markasana: ¿Kunjamsa jatha sutinaka apnaqapxi? ¿Taqpacha yuwaninkiriti pachpa jatha sutinipxi? ¿Tayka, awki, wawanakamppacha? 
9. ¿Chitama utjiti? ¿Chitamaxa kuna sutinisa? ¿Uka sutixa kuna sañsa muni? ¿Uka suti kunjamatsa ajlliwayta? ¿Kunaymana uywatakixa yaqha sutinakaxa utjaspati? ¿Mayaxa  anunakataki, phisinakataki, jamach'inakataki, qaqilunakataki?
10.  ¿Jumati q'uchuma lurasta? ¿Kawkiri q'uchumasa munata? ¿Yaqhanakata sipana kunatsa ukaxa wali munata? ¿Thuquñataki utjiti? ¿Nayrapacha thuqunaka jumaxa uñt'tati? 
11. ¿Khitisa munata q'ucht'irimaxa? ¿Kunatsa wali munata? ¿Sutipaxa wali uñt'atañapatakixa kunsa luraspaxa?
12. ¿Kawkiri qutu q'ucht'irisa jumana munata? ¿Sutipaxa kunsa sañsa muni uka yattati? ¿Jumatakixa uka sutixa wali ajllitapachati? ¿Kunatsa? Jumaxa qutu p'iqinchirisma ukjaxa ¿Kuna yaqha sutsa churasma? ¿Kunata?

Lurawinaka

1. Yatiña utasana yatiqirinakana sutipampi lip'irayata lurañani. Ukata mä julli red masinakamaru apayaphañani. Red masinakasana apayanktana uka jullimpi mä jisk'a lip'iya lurañani. Red masinakamaru jiskht'ama kunjamasa yaqhipana sutipaxa qillqaña. Yaqhipana sutinakapa qillqaña yant'añani. 
2. Wawanakana, yuwanisana masinakasana sutinakapa kunsa saña muni uka pankana uñjañani. Red masinakamaru jumampi yatiqasipxki ukana sutinakapaxa kunsa saña muni ukampi qillqata apayañani. Kawkiri sutisa imilla, yuqalla wawanki, uka jamuyañani.
3. Wawakasaxa kuna sutisa wali munatanxa ukxata yuwanisana mä jach'a jaqiru jiskht'añani ukata sutimata qillqañani. Yatiña utaru uka munata sutinaka apasa kikipt'añani. ¿Mayjanaka utjiti?
4. Sutisana qillqanakampi mä acrostico sata qillqañani. Web sata laphi masinakasana sutinakapampi ukata red masinakasaru uka laphiru purt'añapa mayiñani. 
5. Yatiqaña utana paqallqu jisk'a qutunakaru t'aqjasiñani. Sapa jach'a uraqita sapa qutuwa katxatasini. Jach'a uraqinaka suyu janana thaqañani. Sapa qutuna taqpacha yatiqirinakaxa mä suyu jananiñapawa. Kidlink markanakapata kawkiri marksachuratakta uka chhixllañani. Kidlink ukana markaxa qillqatati janicha uka uñjañani. Ukankchi ukjaxa, K larama qillqampi chimpt'añani. Jani uka markata mä wawasa utjchi ukjaxa, kunatsa jani utji uka qhananchañani.
6. RESPONSE thaqiriri uksaru sarama, uka markana sutipa qhipa irnaqawina ajllitasampi thaqahañani. Uka markata wawanakanaiwxaqillqatapata sutinakapa yatiñatakisiqi qillqañani. ¿Satichanaka apnaqapxiti? ¿Markasana sañinakapat mayjati? ¿Sutinakaxa warminkicha chachankicha uka sasmati? ¿Kawkiri sutisa chachatakixa juk'ampi uñt'ataxa?  Chitanichi uka uñjañani  ¿Kuna kastasa uywa chitapaxa? Yatiqirinakaxa chitapana sutipa munatapata sutinakapa sapxiti uka thaqhañani. Jailliri munatasaru thaqañani, ukata qillqt'añani. Yatiyawinaka utjxistu ukampi yatiyawi qillqañani: yatiqirina sutipa, chinupa kuna kastasa chitanisa, kuna sutinisa, kuna kasta jayllisa, kuna sutinisa jailliri munatapaxa, ukjamraki yaqhanaka. Yatxatatasa yaqha qutu yatiqirinakampi red masinakasampi kikipañani.
7. Tatanakasa kunjamsa sutisa ajllipxatayna uk jiskt'añani. ¿Khitisa ajlliwayi, kunata? ¿Sutisaxa kunsa saña muni, ukat kunjamatsa ajllisiwayi? ¿Yuwanisana pachpa sutinixa utjiti? ¿Kunasa sutisana nayra sarapaxa? ¿Kunasa sutisana chimpupaxa? ¿Sutisana sarnaqawipata aski parlawinakaxa utjiti? ¿Tatanakasaxa sutisata kuna chuymanipxisa? Parlatasaru jiwasana jullisa munsta ukjaxa uskuraksnawa ukata yatiña utana yatxatasata correo electronico uksata yaqha yatiqirinakampi chikayaphañani.
8. Yatiña utaru phusart'awima th'uqt'añataki apanisma ukjaxa walispawa. Jani phusaña yatkasta ukjaxa, mä kasitaru jailli, wali munat jailliriqutusa mä jailli apaniñani. ¿Jumatakixa aka jaillixa kunsa saña muni? jaillichi ukjasti, ¿Aka jaillixa kunsa saña munpacha? ¿Kunatsa jumatakixa wali munata? Red masinakamaru jailli munatanakapata jiskt'añani.
9. ¿Nayra thuqhunaka yattati? ¿Aka thuqhunakatakix mayja isinaka uskusiñati? Qutu masinakasampi llallt'añani, ukata uka isinaka, thuqhunaka julli apsuñani. Jailli imxañani. Aka jullinakampixa mä web laphi lurañani. Jailli, sallampi mä laphi uchañani, ukata taqini kusisisñataki thuqhunaka, pelicula laphinaksa yapt'arksnawa. Aka laphixa red ukana yatiqirinakapampi llallañani. Red masinakamaru thuqhunakapata, thuqhuña isinakapata jiskt'añani. 
10. Jiskt'aru qillqañani kuttayasa. ¿Khithitsa? Munañanakasata jani munatasata jawart'añani, ukata kunanakatixa jiwasaru khithitsa yistu uka. Kutiyanaka mä disco ukaru imañani, ukaruxa Kidlink ukana kimsa jiskt'anakaparu kutiyatanakapa yapt'añani.